વિશ્વ હિન્દુ પરિષદે પશ્ચિમ બંગાળમાં 2 લાખ સભ્યો બનાવવાનો કર્યો નિશ્ચય

કોલકાતાઃ પશ્વિમ બંગાળમાં લોકસભા ચૂંટણીમાં ભાજપનું પ્રદર્શન સારુ રહેતાં વિશ્વ હિન્દુ પરિષદે પોતાની સભ્ય સંખ્યા વધારવાનો લક્ષ્ય કર્યો છે. જેથી VHP 7 નવેમ્બરથી સદસ્યતા અભિયાન શરુ કરવા જઈ રહી છે. જેમાં સભ્યોની સંખ્યા 2 લાખ સુધી પહોંચાડવાનો નિર્ણય કર્યો છે.

VHPના રાષ્ટ્રીય સચિવ સચિન્દ્રનાથ સિંહાએ પણ બાંગ્લાદેશી મુસ્લિમ રાજ્યમાંથી ઘુસણખોરોને હાંકી કાઢવા માટે રાષ્ટ્રીય રજિસ્ટર ઓફ સિટીઝન લાગુ કરવાની માંગ કરી છે.

તેમણે કહ્યું કે, NRC ને લાગુ કરતા પહેલા નાગરિકતા બિલ હેઠળ બાંગ્લાદેશના હિન્દુ શરણાર્થીઓના હિતને ધ્યાનમાં રાખવું જોઈએ. સિંહાઓ કહ્યું કે, આ પહેલા અમે 2017માં બંગાળમાં 55 હજાર સભ્યોને જોડ્યા હતા. આ વખતે અમારુ લક્ષ્ય આ સંખ્યા વધારીને 2 લાખ કરવાનું છે. આ સદસ્યતા અભિયાન 17 નવેમ્બરથી શરુ કરીને 1 ડિસેમ્બર સુધી ચાલશે.