ગાંધી જયંતિ : અહિંસાના પુજારીને વિશ્વભરમાંથી પાઠવવામાં આવી રહી છે શ્રદ્ધાંજલિ

મહાત્મા ગાંધી, એક નામ જેમણે કાબેલ અને અહિંસક નેતૃત્વમાં ભારતમાં વિદેશી રાજ્ય પાસેથી સ્વતંત્રતા પ્રાપ્ત કરી. સંયુક્ત રાષ્ટ્રએ ગાંધી જયંતીને આંતરરાષ્ટ્રીય અહિંસા દિવસ તરીકે ઉજવવાની જાહેરાત કરી છે. આજે બાપુની 151 મી જન્મજયંતિ નિમિત્તે જુઓ વિશેષ અહેવાલ..

હૈદરાબાદ: રાષ્ટ્રપિતા મહાત્મા ગાંધીની 151 મી જન્મજયંતિ નિમિત્તે ભારત સહિત સમગ્ર વિશ્વ બાપુને યાદ કરી રહ્યું છે. ખરેખર, 2 ઓક્ટોબરનો દિવસ ભારતના ઇતિહાસમાં વિશેષ મહત્વ ધરાવે છે. સ્વતંત્રતા દિવસ અને પ્રજાસત્તાક દિવસની જેમ 2 ઓક્ટોબર પણ રાષ્ટ્રીય તહેવારની જેમ ઉજવવામાં આવે છે. આ દિવસ ઇતિહાસના પાનામાં દેશની બે મહાન હસ્તીઓનો જન્મદિવસ તરીકે નોંધાયેલો છે. રાષ્ટ્રપિતા મહાત્મા ગાંધીનો જન્મ 2 ઓક્ટોબર 1869 ના રોજ ગુજરાતના પોરબંદરમાં થયો હતો.

દેશના પૂર્વ વડા પ્રધાન લાલ બહાદુર શાસ્ત્રીનો જન્મદિવસ પણ આજે છે. પૂર્વ વડા પ્રધાન લાલ બહાદુર શાસ્ત્રીનો જન્મ 2 ઓક્ટોબર, 1904 માં થયો હતો. તેમની સરળતા અને નમ્રતાના લોકો તેમને જાણતા હતા. 1965 ના ભારત-પાક યુદ્ધ દરમિયાન આપેલા 'જય જવાન જય કિસાન' નું તેમનું સૂત્ર આજે પણ સચોટ અને સાર્થક છે.

યુદ્ધ દરમિયાન તેમણે મહત્વના નિર્ણયો લઈ શત્રુને પરાજિત કર્યા હતા. 2020 માં ગાંધી જયંતિ નિમિત્તે ભારત સહિત વિશ્વના ઘણા દેશોમાં બાપુને શ્રદ્ધાંજલિ આપવામાં આવી રહી છે. રાષ્ટ્રપતિ રામ નાથ કોવિંદે ગાંધી જયંતિ પર્વે રાષ્ટ્રને સંદેશ આપ્યો હતો. રાષ્ટ્રપતિએ તેમના સંદેશમાં કહ્યું કે, "રાષ્ટ્રપિતાની 151 મી જન્મજયંતિ પ્રસંગે હું તેમને શ્રદ્ધાંજલિ અર્પણ કરૂ છું." ગાંધીજી ભારતના લોકો માટે પ્રેરણા છે.

ભારત સરકારના કલા અને સંસ્કૃતિ મંત્રાલયે એક મ્યુઝિકલ વીડિયો ટ્વિટ કરીને બાપુને શ્રદ્ધાંજલિ આપી હતી. આ વીડિયોમાં ગાંધીજીના નિવેદનો તૈયાર કરવામાં આવ્યા છે. મંત્રાલયે લખ્યું છે કે, વિશ્વને હજી પણ ગાંધીના વિચારોથી પ્રેરણા મળે છે.

યુ.એસ. માં ભારતના રાજદૂત તરણજીતસિંહ સંધુએ બાપુને અર્પણ કરેલા સંગીત શ્રધ્ધાંજલિનું ગીત ટ્વિટ કરીને શેર કર્યું છે. તેમણે લખ્યું છે કે આ સંગીતમય પર્ફોર્મન્સ તેમના સાથીદારોએ તૈયાર કર્યું છે.

અમેરિકામાં ભારતીય દૂતાવાસના બે કર્મચારીઓએ બાપુ મેરે શીર્ષક સાથે મ્યુઝિકલ પર્ફોર્મન્સ તૈયાર કર્યો છે. તેને અમેરિકામાં ભારતના રાજદૂત તરણજિત સિંઘ સંધુએ શેર કર્યું છે.

કેન્દ્રશાસિત પ્રદેશ જમ્મુ-કાશ્મીરના લેફ્ટનન્ટ ગવર્નર મનોજ સિંહાએ ગાંધી જયંતીની પૂર્વસંધ્યાએ રાજ્યમાં મહત્ત્વની યોજનાના ત્રીજા તબક્કાની શરૂઆતની ઘોષણા કરી હતી.

ઓડિશામાં, સેંડ આર્ટિસ્ટ સુદર્શન પટનાયકે ગાંધી જયંતિની પૂર્વ સંધ્યાએ પુરી સમુદ્રતટ પર રેતથી કલાકૃતિ બનાવી હતી. સુદર્શન પટનાયકે બાપુને તેમની કલાકૃતિને નમન કરવા ઉપરાંત સત્યાગ્રહ સાથે સ્વચ્છતાનો સંદેશ આપ્યો છે.

ગાંધી જયંતી

અમેરિકા સ્થિત ભારતીય દૂતાવાસના ટ્વિટર હેંડલ પર અમેરિકી કોંગ્રેસના પ્રતિનિધિયો દ્વારા વીડિયો સંદેશ જાહેર કરવામાં આવ્યો હતો.જેમાં એક પીટ ઓલ્સને કહ્યું કે, અહિંસા દ્વારા શાંતિ પ્રાપ્ત કરવી એ ગાંધીનો વારસો છે, તે સમગ્ર વિશ્વ માટે શ્રેષ્ઠ ઉદાહરણ છે.