કોંગ્રેસની ઉચ્ચ સ્તરીય બેઠક યોજાઈ, ચૂંટણી પરિણામો પર પરામર્શ

નવી દિલ્હીઃ હરિયાણા અને મહારાષ્ટ્ર વિધાનસભા ચૂંટણીના પરિણામોની જાહેરાતના એક દિવસ બાદ કોંગ્રેસના ટોચના નેતાઓએ શુક્રવારે સોનીયા ગાંધીની અધ્યક્ષતામાં એક બેઠક કરી હતી. જેમાં તેમણે ચૂંટણીના પરિણામો પર વિચાર-વિમર્શ કર્યું અને આગામી સમયમાં ભાજપને હરાવવાની રણનીતિ તૈયાર કરી હતી.

કોંગ્રેસ અધ્યક્ષ સોનિયા ગાંધી દ્વારા ગઠિત 17 સભ્ય સમૂહમાં પૂર્વ વડાપ્રધાન મનમોહન સિંહ અને રાહુલ ગાંધી સિવાય અન્ય શિર્ષ નેતાઓ સામેલ હતા. આ સમૂહ બેઠકનું આયોજન ગાંધી ભવનમાં કરવામાં આવ્યું હતું. સૂત્રોના જણાવ્યા પ્રમાણે, પૂર્વ ઉત્તરપ્રદેશમાં એઆઈસીસીના મહાસચિવ પ્રિયંકા ગાંધી વાડ્રા આ અગ્રણી જૂથમાં સામેલ નથી.

પાર્ટી નેશનલ રજિસ્ટાર ઓફ સિટિજન્સ પર પણ વિચાર વિમર્શ કરશે, કારણ કે અસમમાં આ એક મુખ્ય મુદ્દો છે, જ્યાં મોટી સંખ્યામાં લોકોને આનાથી બહાર રાખવામાં આવ્યા છે. કેટલાક યુવા નેતા જે આ પ્રમુખ જૂથનો ભાગ છે, તેમાં રણદીપ સિંહ સૂરજેવાલા, જ્યોતિરાદિત્ય સિંધિયા, રાજીવ સાતવ અને સુષ્મિતા દેવનો સમાવેશ થાય છે.

ચૂંટણી પરિણામો પર ચર્ચા કરવા સિવાય પેનલ મુખ્ય મુદ્દાઓ પર પણ ચર્ચા કરશે. જે મુદ્દાઓને 18 નવેમ્બરથી શરુ થનાક સંસદના શિયાળુ સત્રમાં ઉઠાવવાની સંભાવના છે અને અનેય રાજનૈતિક મુદ્દાઓ પર મોદી સરકાર પર નિશાન સાધવામાં આવશે.

આ બેઠક દરમિયાન સાર્વજનિક ક્ષેત્રના ઉપક્રમોની બેરોજગારી, આર્થિક મંદી અને સંકટ વેચાણનો મુદ્દો પણ ઉઠાવવામાં આવશે. સૂત્રોએ કહ્યું કે, દેશની અર્થવ્યવસ્થાને સંભાળવામાં સરકારની નિષ્ફળતાને પ્રકાશિત કરવાની વ્યૂહરચનાઓ પર ચર્ચા કરવામાં આવશે.