પઠાણકોટ એરફોર્સ સ્ટેશનમાં તૈનાત કરવામાં આવશે અપાચે હેલીકોપ્ટર

નવી દિલ્હી: ચાર અપાચે હેલીરોપ્ટરનો પહેલો જથ્થો શનિવારે ગાજિયાબાદ સ્થિત હિંડન એરફોર્સ સ્ટેશન પહોંચી રહ્યો છે, આ હેલીકોપ્ટર્સને પઠાણકોટ એરફોર્સમાંમાં તૈનાત કરવામાં આવશે.

અપાચેનું અત્યંત આધુનિક AH-64 હેલીકોપ્ટરની ડિલીવરી અમેરિકાની બોઈંગ કંપની નિર્ધારિત સમય પહેલા કરી રહી છે. જો કે, આ હેલીકોપ્ટર આવતાની સાથે ભારતીય વાયુ સેનાને સોંપવામાં નહી આવે.

IAFના એક અધિકારીએ જણાવ્યું કે, સરખી રીતે તપાસ કરી તેના દરેક ભાગ ભેગા કરીને હેલીકોપ્ટર સોંપવામાં આવશે.

આ પ્રકારના બીજા 4 હેલીકોપ્ટર આવતા અઠવાડિયે આવશે. વાયુસેનાને સપ્ટેમ્બરમાં ઔપચારિક રુપે સોંપવામાં આવ્યા બાદ 8 હેલીકોપ્ટર પંજાબના પઠાણકોટ એરફોર્સ સ્ટેશનમાં તૈનાત કરવામાં આવશે.

રક્ષા મંત્રાલયે 22 AH-34 અપાચે હેલીકોપ્ટરના ઉત્પાદન, પ્રશિક્ષણ અને સપોર્ટ માટે 2015માં ઓર્ડરને અંતિમ રુપ પ્રદાન કર્યુ હતું.

AH-64 દુનિયાના સૌથી એડવાન્સ મલ્ટીરોલ કંબૈટ હેલીકોપ્ટર છે, આનો ઉપયોગ અમેરિકા સહિત ઘણી આંતરાષ્ટ્રીય સેનાઓ દ્વારા કરવામાં આવે છે.