તેંડુલકરની સુરક્ષામાં કરાયો ઘટાડો, આ સુરક્ષા આદિત્ય ઠાકરેને મળી

મુંબઇ: વર્લ્ડના મહાન બેટ્સમેન સચીન તેંડુલકરની સુરક્ષાને હટાવી લઇ અને ડાઉન કરી નાખી છે. મહારાષ્ટ્ર સરકારે ધારાસભ્ય આદિત્ય ઠાકરેની z કેટેગરીની સુરક્ષા આપી છે. જે નિર્ણય બુધવારના રોજ એટલે કે આજે લેવામાં આવ્યો હતો.

મહારાષ્ટ્ર સરકારે કેટેગરીને લઇને થોડા બદલાવ કર્યા હતાં. જેમાં તેંડુલકરની સુરક્ષાને ડાઉન કરી છે અને ધારાસભ્ય ઠાકરેનો Z કેટેગરીની સુરક્ષામાં સમાવેશ કર્યો છે.

આ ઉપરાંત 45 જેટલી હસ્તીઓની સુરક્ષા પર પણ મહારાષ્ટ્ર સરકારે નિર્ણય લીધો હતો. જેમાં લીટલ માસ્ટર સુનીલ ગાવસ્કરના નામનો પણ સમાવેશ થાય છે.

x શ્રેણીની સુરક્ષા ભારતની ચોથા નંબરની સુરક્ષા છે. આ શ્રેણીમાં બે પોલીસ કર્મીઓ તૈનાત હોય છે અને આ સુરક્ષામાં કમાન્ડો તૈનાત હોતા નથી. બે પોલીસ કર્મીઓ હથીયાર સાથે તૈનાત હોય છે.

નોંધનીય છે કે આ પહેલા તેડુલકર પર આતંકી ધમકીને લઇને Z સુરક્ષા આપી હતી જેને હટાવી લેવામાં આવી છે.