ઉત્તરપ્રદેશના બલરામપુર સામૂહિક દુષ્કર્મ બાદ વિદ્યાર્થીનું મોત, 2 આરોપીની ધરપકડ

ઉત્તર પ્રદેશના બલરામપુરમાં એક વિદ્યાર્થીનું અપહરણ કર્યા બાદ સામુહિક દુષ્કર્મની ઘટના સામે આવી છે. યુવતીના પરિવારજનોએ આરોપ લગાવ્યો કે, યુવતીનું પહેલા અપહરણ કરવામાં આવ્યું હતું અને ત્યારબાદ સામુહિક દુષ્કર્મ આચરવામાં આવ્યું હતું. ત્યારબાદ પીડિતાનું ત્યાં મોત નીપજ્યું હતું. જો કે 2 આરોપીની ધરપકડ કરવામાં આવી છે.

ઉત્તર પ્રદેશ/ બલરામપુર : હાથરસમાં સામુહિક દુષ્કર્મની પીડિતાનું દિલ્હીની સફદરગંજ હોસ્પિટલમાં નિધન થયું હતું. ત્યારે ઉત્તરપ્રદેશમાં વધુ એક સામુહિક દુષ્કર્મની ઘટના સામે આવી છે.જિલ્લાના કોતવાલી ગૈસડીના એક ગામમાં વિદ્યાર્થીનું અપહરણ કર્યા બાદ સામુહિક દુષ્કર્મની ઘટના સામે આવી છે. પીડિતા એડમિશન માટે એક ડિગ્રી કૉલેજમાં ગઈ હતી. જ્યાંથી યુવતીનું અપહરણ કરી સામુહિક દુષ્કર્મની ઘટના સામે આવી છે. જો કે 2 આરોપીની ધરપકડ કરવામાં આવી છે.

મૃતકની માતાનો આરોપ છે કે, તેમની છોકરી એક ડિગ્રી કૉલેજમાં એડમિશન માટે ગઈ હતી. તેમના કેટલાક મિત્રો તેમને ઈન્જેક્શન લગાવી પીડિતાને બેહોશ કરી હતી. ત્યારબાદ તેમના પર સામુહિક દુષ્કર્મ આચરવામાં આવ્યું હતુ.

ત્યારબાદ પીડિતાને ઈ-રિક્ષા દ્વારા તેમના ઘરે મોકલવામાં આવી હતી. પીડિતા વધુ જ ઈજાગ્રસ્ત હોવાથી તેમનું મોત થયું હતુ. પીડિતાનું પોસ્ટમોર્ટમ કરી મૃતદેહને પરિવારને સોંપવામાં આવશે. પોલીસ અધિકારીએ આ સમગ્ર ઘટનાને લઈ કોઈ નિવેદન આપ્યું નથી.