જાગતે રહો : જ્યૂસ જેકીંગ, સાયબર ગુનેગારો માટે તમને શિકાર બનાવવાની નવી રીત

સાર્વજનિક સ્થળોએ તમારા ફોનને ચાર્જ કરવા થી સાવચેત રહો. હેકર્સ તમારા ડેટાની ચોરી કરવા માટે જાહેર સ્થળોએ આપવામાં આવેલ મફત ચાર્જિંગ પોઇન્ટનો ઉપયોગ કરી રહ્યાં છે. જેને સગવડ તરીકે ગણવામાં આવે છે તે હવે લોકો માટે હવે દુખ:દ સ્વપ્નમાં ફેરવાઈ રહ્યું છે, જ્યારે તેઓ આ ચાર્જિંગ પોઇન્ટ્સ પર તેમના ચાર્જ કરે છે ત્યારે તેમના મોબાઇલ ફોન માહિતી સાથે ચેડા કરવામાં આવે છે.

બેંગલુરુ (કર્ણાટક): સાયબર ક્રાઇમ શબ્દ ભંડોળમાં નવો શબ્દ ઉમેરવામાં આવ્યો છે અને તે છે 'જ્યુસ જેકિંગ.' ઘણા લોકો તેનો ભોગ બન્યા છે અને તેમ છતાં જાગૃત રહેવા સિવાય બીજા કોઈ સાવચેતી ના પગલા લઇ શકાતા નથી. મોબાઇલ ફોનના ચાર્જિંગ કેબલ ને સગવડ ખાતર ડેટા કેબલમાં રૂપાંતરિત કરવામાં આવ્યા છે, ત્યાર થી જ્યૂસ જેકિંગ એ પીડિતો ના મોબાઇલ ફોનમાં સંગ્રહિત ખાનગી માહિતી ની ચોરી કરવાની અનુકૂળ રીત બની ગઇ છે.

હેકર્સ જાહેર જગ્યાઓ જેવા કે એરપોર્ટ, બસ સ્ટેશન, રેલ્વે સ્ટેશન, ઉદ્યાનો અને મોલ્સ ને લક્ષ્યાંક બનાવે છે જ્યાં મફત ચાર્જિંગ પોઇન્ટ આપવામાં આવે છે. ચાર્જિંગ માટે યુ.એસ.બી. પોર્ટ્સ તેમજ પ્રી-પ્રોગ્રામ ડેટા કેબલ મારફતે કદાચ વ્યક્તિની વિગતો સ્થાળાંતરિત થઇ જાય છે. હેકર્સ બેંકિંગ, સોશિયલ મીડિયા માહિતી, વ્યક્તિગત વિગતો માટે ઉપયોગમાં લેવાતા પાસવર્ડો વિશે અને વ્યક્તિગત ચિત્રોની મેળવી શકે છે. તેઓ પાસવર્ડ્સ ફરીથી સેટ કરી શકે છે અને તમારા ઉપકરણથી લોક કરી શકે છે અથવા તમારા વ્યક્તિગત માહિતીથી તમને બ્લેકમેલ કરી શકે છે .

જાગતે રહો : જ્યુસ જેકીંગ, સાયબર ગુનેગારો માટે તમને શિકાર બનાવવાની નવી રીત

સંયુક્ત પોલીસ કમિશનર (ગુના) સંદીપ પાટિલે જણાવ્યુ હતું કે કે બેંગલુરુ ના આઇ.ટી મુખ્ય મથક અને રાજ્યમાં સાયબર ગુનાઓ વધી રહ્યા છે, "અમે સ્થાનિક પોલીસ સ્ટેશન, સી.સી.બી અથવા સાયબર-ક્રાઈમ સ્ટેશનથી પણ જાહેર સ્થળોએ જ્યાં ચાર્જિંગ પોઇન્ટ ઉપલબ્ધ છે ત્યાં રેન્ડમ ચેકીંગ કરીશું. એકવાર લોકો ને ખબર પડી જાય કે આવા ચાર્જિંગ પોઇન્ટ થી આ પ્રકારના ગુના થઈ શકે છે, ત્યાર પછી તેઓએ પૂરતી તકેદારી રાખવી પડશે. "

જ્યુસ જેકીંગ એ વ્યક્તિગત ડેટા ચોરી કરવા માટે ઉપયોગમાં લેવામાં આવતી એક પદ્ધતિ છે. તેને રોકવાનો એકમાત્ર રસ્તો જાગૃત રહેવું છે.