દરેક રાજ્ય કાશ્મીરી નાગરિકોને સુરક્ષા પૂરી પાડે : કેન્દ્ર

નવી દિલ્હી: પુલવામા આતંકવાદી હુમલાને ધ્યાનમાં રાખીને દેશના અલગ-અલગ ભાગમાં જમ્મૂ-કાશ્મીર સાથે જોડાયેલા લોકો પર હુમલાની જાણકારી મળી હતી. જેને લઈને શુક્રવારે બધા રાજ્યોને જમ્મૂ કાશ્મીર સાથે જોડાયેલા લોકોની સુરક્ષા નિશ્ચિત કરવાનો આદેશ આપ્યો છે.

આ અંગે એક અરજીની સુનાવણી દરમિયાન હાઈકોર્ટના આદેશ બાદ ગૃહ મંત્રાલયે બધા રાજ્યોને સૂચનો રજૂ કરીને આ સંદર્ભમાં જણાવ્યું છે.

બધા રાજ્યને સરકારને મોકલવામાં આવેલા સૂચનોમાં કહેવામાં આવ્યું છે કે, રાજ્ય સરકાર અને કેન્દ્રશાસિત રાજ્યો તેમજ તેમના દ્વારા નિયુક્ત નોડલ અધિકારીઓ એકવાર ફરી આ સલાહ આપવામાં આવે છે કે જેમાં હાઈકોર્ટના આદેશનું પાલન કરતા કાશ્મીરીઓની સાથે સાથે લઘુમતીઓ વિરૂદ્ધ કોઈપણ પ્રકારનો હુમલો, ધમકી, અપરાધ તેમજ સામાજિક બહિષ્કાર વગેરેને રોકવા માટે બધા જરૂરી પગલા લે.