અમરનાથ યાત્રાળુઓ માટે CRPF દ્વારા મોબાઈલ સેવા શરૂ કરાઈ

ન્યુઝ ડેસ્કઃ કેન્દ્રીય અનામત પોલીસ દળ દ્વારા અમરનાથ યાત્રાળુઓની મદદ માટે એક સરળ સહાયત કેન્દ્ર શરૂ કરવામાં આવ્યું છે.

CRPF દ્વારા શરૂ કરાયેલા આ કેન્દ્ર થકી શિબિરોમાં રહેતા શ્રદ્ધાળુઓ સુધી પહોંચી તેમની સમસ્યાઓનું સમાધાન કરશે. આ કેન્દ્ર CRPF દ્વારા જમ્મુ કાશ્મીર રેલવે સ્ટેશન અને એરપોર્ટ ઉપર શરૂ કરાયું છે. યાત્રાળુઓએ CRPFની આ પહેલને વધાવી લીધી છે.

જમ્મુમાં CRPFના પ્રવક્તા આશીષ કુમાર ઝાએ જણાવ્યું કે, જમ્મુ શહેરમાં આવેલા શ્રદ્ઘાળુઓ માટે 18 શિબિર તૈયાર કરાઈ છે. જ્યાં તીર્થયાત્રીઓની મદદ માટે કેન્દ્ર બનાવવામાં આવ્યા છે. આ કેન્દ્રનો હેતુ યાત્રા માટે આવેલા લોકોને સુરક્ષા, મદદ અને સારવાર આપવાનો છે. તેમણે કહ્યું કે, આ કેન્દ્ર યાત્રાના અંતિમ દિવસ સુધી કાર્યરત રહેશે.