જમ્મુ: 370 કલમ રદ કર્યા બાદ પ્રથમ અથડામણ, એસપીઓ શહીદ

શ્રીનગર: જમ્મુ કાશ્મીરના બારામુલા જિલ્લામાં મંગળવારે રાત્રે આતંકવાદીઓ સાથેની અથડામણમાં રાજ્ય પોલીસના એક એસપીઓ શહીદ થયા છે અને એક અન્ય પોલીસ જવાન ઘાયલ થયો છે. રાજ્યમાં 370 કલમ રદ કર્યા બાદ આ પ્રદેશમાં પ્રથમ અથડામણ છે. સુરક્ષા બળોએ અથડામણ સમયે એક આતંકવાદીને ઠાર કર્યો હતો. જેની ઓળખાણ કરવામાં આવી રહી છે. પોલીસના જણાવ્યાં અનુસાર શહીદ થયેલા પોલીસ જવાનનું નામ બિલાલ છે.

પોલીસે જણાવ્યું કે ધાયલ જવાન અમરદીપ પરિહારને હોસ્પીટલ ખાતે ખસેડવામાં આવ્યો છે. સુરક્ષા દળો અને હથિયાર બંદી આતંકવાદીઓ વચ્ચે મંગળવારે મોડી રાત્રે અથડામણ થઇ હતી. બુધવારે સવારે 5 કલાકે જમ્મુ કાશ્મીર પોલીસે ટ્વીટ કરી અથડમણની જાણકારી આપી હતી.

રાજ્ય પોલિસે ટ્વીટ કર્યુ, " અથડામણ પુર્ણ થઇ, જેમાં એક આતંકવાદીને ઠાર કરાયો, જેની ઓળખાણ કરવામાં આવી રહી છે. તેની પાસેથી ગોળા-બારૂદને ઝડપી પાડ્યા છે. અથડામણમાં સુરક્ષા બળો અને આતંકવાદીઓ વચ્ચે ગોળીબારી હતી. ગોળીબારી મંગળવારે સવારે લગભગ 5 કલાકે શરૂ થઇ હતી અને સમગ્ર વિસ્તારને ધેરી લીધો હતો.