મહારાષ્ટ્રમાં વિધાનસભાની ચૂંટણીમાં ભાજપે આજે 125 ઉમેદવારોની યાદી જાહેર કરી છે. આપને જણાવી દઈએ કે, મહારાષ્ટ્રમાં ભાજપ અને શિવસેના એક સાથે મળી વિધાનસભાની ચૂંટણી લડી રહ્યા છે. હાલમાં પણ રાજ્યમાં આ બંને સાથી પક્ષોની જ સરકાર છે, જ્યાં મુખ્યપ્રધાન તરીકે દેવેન્દ્ર ફડણવીસ છે.
મંગળવારે ભાજપની યાદી બાદ તુરંત જ શિવસેનાએ પણ પોતાની પ્રથમ 70 ઉમેદવારોની યાદી જાહેર કરી દીધી છે. આ યાદીમાં ઠાકરે પરિવારમાંથી પ્રથમવાર ચૂંટણી મેદાનમાં ઉતરેલા ઉદ્ધવ ઠાકરેના દિકરા આદિત્ય ઠાકરેનું નામ પણ સામેલ છે. આદિત્ય ઠાકરે મહારાષ્ટ્રની વર્લી બેઠક પરથી ચૂંટણી લડી રહ્યા છે.