કોરોનો વાયરસઃ મુંબઈ એરપોર્ટ પર 4,800થી વધુ લોકોની તપાસ

કોરોના વાયરસનાં પ્રભાવને કારણે મુંબઈ એરપોર્ટ પર સાવચેતી રાખવામાં આવી રહી છે. આ અંતર્ગત 28 જાન્યુઆરી સુધી 4,800થી વધુ લોકોની તપાસ કરવામાં આવ્યા હતાં.

મુંબઈઃ કોરોના વાયરસના અસરની આશંકા હેઠળ મુંબઈ એરપોર્ટ પર સાવચેતીના ભાગરૂપે સ્ક્રિંનિગ ગોઠવવામાં આવી છે. 28 જાન્યુઆરીથી 4,800થી વધુ લોકોની તપાસ કરવામાં આવી હતી. આ તપાસમાં મહારાષ્ટ્રનાં 28 મુસાફરો પણ સામેલ હતાં. જેમાંથી 12 લોકોને શરદી, ખાંસી અને તાવ હતો. તેમને અલગ કેન્દ્રમાં ભરતી કરવામાં આવ્યા હતા.

8 રોગીઓના નમૂનાનું પરિક્ષણ કર્યું હતું. જેના રિપોર્ટ નેગેટિવ આવ્યા હતા. જો કે, બાકીના ચાર લોકોના રિપોર્ટ આવવાની રાહ જોવાઈ રહી છે. 12માંથી 3 લોકોને રજા આપવામાં આવી છે.

ઉલ્લેખનીય છે કે, કોરોના વાયરસથી 213 લોકોએ પોતાનો જીવ ગુમાવી ચુક્યા છે. જ્યારે 9,000થી વધુ લોકો વાયરસથી પ્રભાવીત છે. વર્ડ હેલ્થ ઓર્ગેનાઈજેશન(WHO)એ આ જીવલેણ વાયરસને કારણે આંતરરાષ્ટ્રીય સ્વાસ્થ્ય કટોકટી જાહેર કરી છે.