કેન્દ્ર નક્કી કરે દેશનું નામ ‘ઇન્ડિયા’ રાખવું કે ‘ભારત’ : સુપ્રીમ કોર્ટ

સુપ્રીમ કોર્ટે ઇન્ડિયાનું નામ ભારત રાખવાવાળી પીઆઈએલમાં કોઈપણ પ્રકારની દખલનો ઇનકાર કર્યો છે અને કેન્દ્ર સરકારને આ સંદર્ભે યોગ્ય નિર્ણય લેવા નિર્દેશ આપ્યો છે.

નવી દિલ્હી: સુપ્રીમ કોર્ટે ઇન્ડિયાનું નામ ભારત રાખવાવાળી પીઆઈએલમાં કોઈપણ પ્રકારની દખલનો ઇનકાર કર્યો છે અને કેન્દ્ર સરકારને આ સંદર્ભે યોગ્ય નિર્ણય લેવા નિર્દેશ આપ્યો છે.

નોંધનીય બાબત એ છે કે, અરજદારે દેશના અંગ્રેજી નામ 'ઇન્ડિયા'ને બદલીને 'ભારત' કરવા દિશાનિર્દેશ માંગ્યો હતો. આ અગાઉ મંગળવારે મુખ્ય ન્યાયાધીશ એસ.એ. બોબડેની ગેરહાજરીને કારણે સુનાવણી મુલતવી રાખવામાં આવી હતી.

29 મેના રોજ આ અરજીની સુનાવણી કરતી વખતે જસ્ટીસ ઋષિકેશ રોય અને એએસ બોપન્નાએ તેને મુલતવી રાખીને 2 જૂન માટેની તારીખ નક્કી કરી હતી.

અરજીમાં કહેવામાં આવ્યું છે કે, ઇન્ડિયા એક અંગ્રેજી નામ છે, જેને બદલીને ભારત રાખવું જોઈએ, જેથી લોકો પોતાનામાં રાષ્ટ્રીયતાની ગૌરવની ભાવના ઉત્પન્ન કરી શકે.

નોંધનીય બાબત એ છે કે, 2016ની શરૂઆતમાં પણ આવી જ અરજીને કોર્ટે ફગાવી દીધી હતી.