જૂન માસમાં છૂટક ફૂગાવાનો દર વધીને 3.18 ટકાએ પહોંચ્યો

નવી દિલ્હીઃ ખાદ્ય પદાર્થોના ભાવમાં વધારો થતાં જૂન મહિનામાં છૂટક ફૂગાવોનો દર વધીને 3.18 ટકા થઈ ગયો છે. જો કે, મે મહિનામાં છૂટક ફુગાવાનો દર 3.05 નોંધાયો હતો. આ સત્તાવાર આંકડા પ્રમાણે શુક્રવારે બહાર પાડવામાં આવ્યા હતા.

જો કે, ગત વર્ષની સરખામણીમાં આ વર્ષે જૂનમાં ગ્રાહક ભાવ સૂચકાંકમાં ઘટાડો થયો છે. ગત્ વર્ષે જૂનમાં દેશમાં મોંઘવારી 4.92 ટકા નોંધવામાં આવી છે.

નેશનલ સ્ટેટિસ્ટિક્સ ઑફિસ દ્વારા તૈયાર કરવામાં આવેલા આંકડાઓ પ્રમાણે, ગ્રાહકોનો ખાદ્ય મોંધવારી સૂચકાંક આ મહિના દરમિયાન 2.17 ટકા થઈ ગયો છે, જે મેમાં 1.83 ટકા નોંધવામાં આવ્યો છે.