હાથરસ કેસઃ જો માતા-પિતા દીકરીઓને સારા સંસ્કાર આપે તો દુષ્કર્મના કેસો 'બંધ' થઈ શકે છેઃ સુરેન્દ્ર સિંહ

ઉત્તર પ્રદેશના હાથરસ જિલ્લામાં અનુસૂચિત જાતિની યુવતી સાથે થયેલા સામુહિક દુષ્કર્મની ઘટનાથી દેશમાં વિરોધ પ્રદર્શન થઇ રહ્યા છે. આ મામલે વિપક્ષ ઉત્તર પ્રદેશ સરકારને ઘેરી રહી છે અને ન્યાયની માગ કરી રહી છે. આ વચ્ચે ભાજપના ધારાસભ્ય સુરેન્દ્ર સિંહનું ચોંકાવનારૂં નિવેદન સામે આવ્યું છે.

લખનઉઃ હાથરસ ઘટનાથી સમગ્ર દેશમાં રોષ ફેલાયેલો છે. આ ઘટનામાં પીડિતાના પરિવારને ન્યાય મળે એ સમગ્ર દેશ ઇચ્છી રહ્યું છે, ત્યારે ભાજપના ધારાસભ્ય સુરેન્દ્ર સિંહે આ ઘટનામાં દીકરીઓને જ દોષી ગણાવી છે.

સારા સંસ્કારોની મદદથી દુષ્કર્મની ઘટનાઓને રોકી શકાય છેઃ સુરેન્દ્ર સિંહ

હાથરસની ઘટના પર બલિયાથી ભાજપના ધારાસભ્ય સુરેન્દ્ર સિંહે કહ્યું- સારા સંસ્કારોની મદદથી આવી ઘટનાઓને રોકી શકાય છે. આવી ઘટના શાસન અને તલવારથી અટકતી નથી. બધા માતા-પિતાએ પોતાની દીકરીઓને સારા સંસ્કારો અને શિક્ષા આપવી જોઇએ. સરકાર અને સંસ્કાર મળીને દેશને એક સુંદર રૂપ આપી શકાય છે.