રાજયસભાના સાંસદ કિરોડી લાલે રાજકીય સંકટ અંગે નિવેદન આપ્યું

સાંસદ કિરોડીલાલ મીનાએ કહ્યું કે સચિન પાયલટ કોંગ્રેસમાં રહીને કેવી રીતે પોતનું સ્વાભિમાન અને આત્મ સમ્માન બચાવી શકશે.

દૌસા: પ્રદેશમાં ચાલી રહેલા રાજકીય સંકટ વચ્ચે રાજ્યસભાના સાંસદ ડો. કિરોડીલાલ મીનાએ દૌસા સર્કિટ હાઉસ ખાતે એક પત્રકાર પરિષદ યોજી હતી. જેમાં તેમણે સચિન પાયલટ સહિત 19 ધારાસભ્યો અને તેમના સમર્થકોને ભાજપ પક્ષમાં જોડાવા આમંત્રણ આપ્યું હતું. તેમણે કહ્યું કે સચિન પાયલટને કોંગ્રેસમાં સન્માન મળ્યું નથી અને તેના સ્વાભિમાનને ઠેસ પહોંચી છે. તેને સ્વાભિમાન અને સમ્માન બન્ને ભાજપમાં મળશે જેથી ભાજપમાં તેમનું સ્વાગત છે. જો તે કોંગ્રેસમાં રહેશે તો તેઓ પોતાનું સન્માન અને આત્મગૌરવ કેવી રીતે બચાવી શકશે?

સાંસદ કિરોડીલાલ મીનાએ કહ્યું હતું કે તે હંમેશા સંકટની ઘડીમાં કામ આવ્યા છે. તેમણે કહ્યું કે વર્ષ 2003માં, જ્યારે વસુંધરા રાજે રાજ્યમાં વિરોધનો સામનો કરી રહ્યા હતા તે દરમિયાન વસુંધરા રાજેને ટેકો આપ્યો હતો અને રાજ્યમાં રાજે સરકારની રચના કરી હતી. 2008માં જ્યારે કોંગ્રેસની ગેહલોત સરકાર લઘુમતીમાં હતી ત્યારે તેણે 6 ધારાસભ્યો સાથે કોંગ્રેસને ટેકો આપ્યો હતો અને ગેહલોત સરકારની રચના કરી હતી. ત્યારે રાજેશ પાયલટ પોતે પણ બે વખત સંકટમાં આવ્યા હતા. તે દરમિયાન તેમને પણ સાથ આપ્યો હતો.

આ સ્થિતિમાં સચિન પાયલટ મુશ્કેલીમાં છે. જેથી તે તેની સાથે છે અને ભારતીય જનતા પાર્ટીમાં આવવાનું આમંત્રણ આપે છે. તેમણે કહ્યું કે સચિન પાયલટ ભાજપમાં સામેલ થઇ જશે તો તેમને રાજસ્થાન કોંગ્રેસમાંથી મુક્ત મળી જશે અને રાજસ્થાનમાં નવા વિકાસની યોજના તૈયાર કરવામાં આવશે. સાંસદ કિરોડીલાલ મીનાએ વાઇરલ ઓડિઓ કેસમાં તપાસ કર્યા પછી કહ્યું કે પાયલટ દ્વારા ત્રીજા પક્ષની રચના કરવામાં આવી હોવાના કિસ્સામાં, સચિન પાયલટ, પીસીસી ચીફ હોવાથી, રાજ્યભરમાં ફર્યા હતા. આવી સ્થિતિમાં રાજ્યની તે નાડી જાણે છે કે અહીં કોઈ પણ તૃતીય પક્ષની રચના થવી જોઇએ કે નહીં. સચિન પાયલટની પત્ની સારા પાઇલટનાં ટ્વિટ પર સાંસદ મીનાએ કહ્યું કે તેમણે મને પાઇલટની મદદ માટે ઇશારો આપ્યો છે. અમે તેમને મદદ કરવા માટે સંપૂર્ણ તૈયાર છીએ અને ભાજપમાં તેમનું સ્વાગત છે.