કાર્યભાર ગ્રહણ કરતા પહેલા રાજનાથ સિંહે શહીદોને આપી શ્રદ્ધાંજલિ

નવી દિલ્હી: દેશના નવા રક્ષાપ્રધાન રાજનાથ સિંહ આજે ઔપચારિક રીતે કાર્યભાર સંભાળશે. કાર્યભાર સંભાળે તે પહેલા રાજનાથ સિંહે રાષ્ટ્રીય યુદ્ધ સ્મારક પહોંચીને શહીદોને શ્રદ્ધાંજલિ અર્પણ કરી હતી.

આ દરમિયાન તેમની સાથે સેના પ્રમુખ જનરલ બિપિન રાવત, એયર માર્શલ બીએસ ધનોઆ, નૌસેના પ્રમુખ એડમિરલ કરમબીર સિંહ પણ ઉપસ્થિત રહ્યાં હતા.

રાષ્ટ્રીય યુદ્ધ સ્મારક પહોંચ્યા રાજનાથ સિંહ

શુક્રવારે રાજનાથ સિંહે ટ્વીટ કર્યું હતું કે, આવતીકાલ સવારે રાષ્ટ્રીય સમર સ્મારકની મુલાકાત કરીશ અને પોતાના બહાદુર સૈનિકોને શ્રદ્ધાંજલિ આપીશ. જેઓએ રાષ્ટ્રની સેવામાં પોતાનું બલિદાન આપ્યું છે. ત્યારબાદ હું ઔપચારિક રીતે આ દેશના રક્ષા પ્રધાનના રૂપમાં કાર્યભાર ગ્રહણ કરીશ. રાષ્ટ્રીય સુરક્ષા અને રક્ષાને વધારે મજબૂત બનાવવા માટે હું તત્પર છું.

ઉલ્લેખનીય છે કે, ગત મોદી સરકારમાં સિંહની પાસે ગૃહ મંત્રાલય હતું, પરંતુ હવે તેઓ નવા પ્રધાનમંડળમાં સામેલ થયા પછી તેમને રક્ષા મંત્રાલયના કાર્યભારની જવાબદારી સોંપવામાં આવી છે.

આ પહેલા આ મંત્રાલય નિર્મળા સિતારમણની પાસે હતું, જેમને આ વખતે નાણા મંત્રાલયની જવાબદારી સોંપવામાં આવી છે.

રક્ષા પ્રધાનના રૂપમાં રાજનાથ સિંહની સામે ઘણા પડકારો હશે. સંરક્ષણની ત્રણેય સેવાઓને આધુનિકીકરણના કામમાં તેજી લઈ આવવાની છે. તેમના માટે અન્ય મોટો પડકાર ચીનની સાથે લાગેલી સીમાઓ પર શાંતિ બનાવી રાખવાની હશે.

રાજનાથ સિંહ સિવાય ભાજપ અધ્યક્ષ અમિત શાહ પણ આ જ ગૃહ મંત્રાલયનો કાર્યભાર સંભાળશે.