હૈદરાબાદમાં ભારે વરસાદ, 13 લોકોના મોત, NDRFની ટીમ સ્ટેન્ડબાય

તેલંગાણાના હૈદરાબાદમાં ભારે વરસાદને કારણે જનજીવન ખોરવાયું છે. સમગ્ર શહેર પાણીમાં ગરકાવ થયું છે. એક મકાનની છત પડતાં માતા અને પુત્રીનું મોત થયું હતું. જ્યારે અનરાધાર વરસાદના કારણે કુલ 13 લોકોએ જીવ ગુમાવ્યા હતા.

હૈદરાબાદ: મંગળવારે અહીંના ઇબ્રાહીમપટ્ટનમ ખાતે મકાનની છત ધરાશાયી થતાં 40 વર્ષીય મહિલા અને તેની પુત્રીનું મોત નીપજ્યું હતું. કારણ કે, તેલંગાણાના ઘણા ભાગોમાં ભારે વરસાદ પડ્યો હતો, જેના કારણે રસ્તાઓ પર પાણી ભરાઈ ગયા હતા અને કેટલાક નીચાણવાળા વિસ્તારોમાં પાણીમાં ગરકાવ થયા હતા.

હૈદરાબાદ ટ્રાફિક પોલીસે એલર્ટ કર્યું જાહેર:

1. ઉપલ-એલબી નાગર રસ્તો બંધ
2. દિલસુખનગર રસ્તો બંધ
3. બેગમપેટમાં ભારે પાણીનો પ્રવાહ
4. નિઝામપેટ વિસ્તાર સંપૂર્ણપણે પાણીથી ડૂબી ગયો
5. ભંડારી લેઆઉટને સંપૂર્ણપણે અસર થઈ
6. મેહદીપટ્ટનમ- હાઈટે સિટી સંપૂર્ણ રીતે પાણીમાં ગરકાવ. કુકટપૈલી આઈડીપીએલ તળાવ, હાફીઝપેટ તળાવન પાણી બહાર આવત મુસી દરવાજા ખોલવામાં આવ્યા છે. હુસેનસાગર 4 દરવાજા ખોલ્યા.
7. આજે હિમાયથસાગર દરવાજા ખોલવામાં આવશે. એચસીયુ તરફ ગચીબોવલી સંપૂર્ણપણે ડૂબી ગયા છે.
8. હૈદરાબાદ કુલ વરસાદ: 24 કલાકની અંદર 32 સે.મી. જે ​​1 સદીના સમયગાળા પછીનો રેકોર્ડ છે.
9. સોમાજીગુડા-ગ્રીનલેન્ડ્સ, પંજાગુટા, પીવીએનઆર એક્સપ્રેસ હાઇવે, મહેદિપટ્ટનમ, ટોલીચોકી સંપૂર્ણપણે ડૂબી ગયા. હુસેનસાગર દરવાજા ખોલવાના કારણે અશોકનગર, હિમાયનાથનગર, મુશીરાબાદ હાઈએલર્ટ પર છે.
10. ટી.એસ. સરકાર દ્વારા જાહેર કરાયું હાઇ રેડ એલર્ટ.
11. બેંગ્લોર હાઇવે બંધ. હૈદરાબાદ-વિજયવાડા હાઇવે બંધ કરાયો છે.

મકાન ધરાશાયીની ઘટનામાં મહિલા અને તેની 15 વર્ષની પુત્રીનું ઘટનાસ્થળે જ મોત નીપજ્યું હતું, જ્યારે રાત્રે 12 કલાક તેમના ઘરની છત તૂટી પડતાં તેનો પુત્રને સામાન્ય ઇજા પહોંચી હતી.

ગ્રેટર હૈદરાબાદ મ્યુનિસિપલ કોર્પોરેશન (જીએચએમસી)ની મર્યાદામાં ઘણા વિસ્તારોમાં ભારેથી ભારે વરસાદ પડ્યો હોવાનું સૂત્રોએ જણાવ્યું હતું. જીએચએમસીમાં સરેરાશ વરસાદ 98.9 મીમી હતો.

આ પણ વાંચોઃ હૈદરાબાદમાં ધોધમાર વરસાદ, લોકોને ઘરની બહાર ન નિકળવાની કરાઈ અપીલ

મુખ્ય સચિવ સોમેશ કુમારે જિલ્લા કલેક્ટર્સ અને પોલીસ અધિકારીઓને જણાવ્યું હતું કે, મુખ્યપ્રધાન કે. ચંદ્રશેખર રાવે રાજ્યમાં ભારે વરસાદની પરિસ્થિતિ વિશે પૂછપરછ કરી હતી.

મુખ્યપ્રધાને નિર્દેશ આપ્યા હતા કે, જિલ્લાઓમાં વહીવટ હાઈએલર્ટ રહેવું જોઈએ, મંગળવારે મોડી રાત્રે જારી કરેલી એક સત્તાવાર રજૂઆતએ મુખ્ય સચિવને ટાંકીને જણાવ્યું છે.

મુખ્ય સચિવે જિલ્લા કલેક્ટર્સને સચેત રહેવા અને અગાઉના પૂર પ્રોટોકોલનું કડક પાલન કરવા તાકીદ કરી હતી.

કેન્દ્રીય ગૃહ રાજ્ય પ્રધાન જી. કિશન રેડ્ડીએ કહ્યું કે, તેમણે NDRFના અધિકારી સાથે વાત કરી છે અને પૂરની સહાય માટે ટીમને તૈયાર રાખી છે.

રેડ્ડીએ મંગળવારે મોડી રાત્રે જણાવ્યું હતું કે, વધુ બે ટીમો મંગળવારની રાત સુધીમાં હૈદરાબાદ પહોંચશે અને હૈદરાબાદ અને તેલંગાણાના અન્ય સ્થળોએ રાહતનાં પગલામાં મદદ કરશે.