ISROની વધુ એક ઉપલબ્ધિ, RISAT-2B ઉપગ્રહનું આજે સવારે સફળ લોન્ચિંગ

ન્યુઝ ડેસ્કઃ આંધ્રપ્રદેશના શ્રીહરિકોટાના સતિષ ધવન સ્પેશ સેન્ટરથી આજે સવારે RISAT ઉપગ્રહને સફળતાપૂર્વક લોન્ચ કરવામાં  આવ્યુ છે. RISAT-2Bનું પ્રક્ષેપણ ઈસરો અને ભારતીય વૈજ્ઞાનિકોની મોટી સિદ્ધી ગણાઈ રહી છે.

ભારતની અવકાશ સંશોધન સંસ્થા ઈન્ડિયન સ્પેસ રીસર્ચ ઓર્ગેનાઈઝેશન(ISRO)એ આજે નવો ઈતિહાસ સર્જયો છે. આજે સવારે પોલાર સેટેલાઈટ લોન્ચ વેહિકલ(PSLV)C-46 રોકેટ દ્વારા 300 કિલોગ્રામનો RISAT-2B સેટેલાઈટને અવકાશમાં છોડવામાં આવ્યું. આ સેટેલાઈટનું વજન 615 કિલોગ્રામ છે. તેની સાથે સિન્થેટિક અપર્ચર રડાર(SAR) ઈમેજરને મોકલવામાં આવ્યુ છે.

ISROના જણાવ્યા મુજબ, વાદળ હોવાના કારણે રેગ્યુલર રિમોટ સેન્સિંગ કે ઓપ્ટિકલ ઈમેજિંગ સેટેલાઈટ ધરતી પર થઈ રહેલી ઝીણાંમાં ઝીણી ગતિવિધિઓને જોઈ શકતી નથી. SAR આ ખામીને દુર કરી શકશે. આ સેટેલાઈટની મદદથી વાદળછાયા વાતાવરણમાં કે વરસાદ અથવા રાતના અંધારાના સમયમાં પણ સ્પષ્ટ તસવીર જાહેર કરશે. તેનાથી આપત્તિના સમયે રાહત પહોંચાડી શકાશે, તેમજ સુરક્ષાદળોને દુશ્મનોનું સાચુ લોકેશન મળી શકશે.