રાષ્ટ્રપતિની મોહર બાદ ટ્રિપલ તલાક કાયદો બન્યો, સમગ્ર દેશમાં 19 સપ્ટેમ્બરથી લાગુ

નવી દિલ્હીઃ મુસ્લિમ મહિલાઓને એક સાથે ત્રણ તલાકને ગુનો ગણાવતો ખરડાને બુધવારે મોડી રાત્રે રાષ્ટ્રપતિ રામનાથ કોવિંદે મંજૂરી આપી છે. રાષ્ટ્રપતિની મંજૂરી મળતા જ આ ખરડો હવે કાયદો બની ચુક્યો છે.

પત્નીને ત્રણ તલાક આપી છોડનારા મુસ્લિમ પુરૂષોને 3 વર્ષ સુધીની સજાની જોગવાઈવાળા આ ખરડાને 19 સપ્ટેમ્બર 2019થી લાગૂ કરવામાં આવશે.

આ અગાઉ મંગળવારે રાજ્યસભાએ મુસ્લિમ મહિલા ખરડાને સ્વિકૃતિ આપી હતી. મોદી સરકારે આ બિલને 25 જુલાઈએ લોકસભામાં અને 30 જુલાઈએ રાજ્યસભામાં પસાર કરાવ્યો હતો.

રાજ્યસભામાં આ બિલના સમર્થનમાં 99 અને વિરોધમાં 84 વોટ પડ્યા હતા. આ અગાઉ વિપક્ષની બિલને સિલેક્ટ સમિતિમાં મોકલવાની માંગ પણ સંસદમાં પડી ગઈ હતી.