નવા પ્રધાનો માટે દિલ્હીમાં તૈયાર થયા આલીશાન બંગલા, જુઓ વીડિયો

નવી દિલ્હીઃ સત્તામાં ફરી એકવખત મોદી સરકાર આવ્યા બાદ પ્રધાન મંડળ સોંપાયા બાદ નવા પ્રધાનો માટે આલીશાન મકાનો તૈયાર થઈ ગયા છે.

કેન્દ્ર સરકારના નવા સાંસદો અને પ્રધાનો માટે નવી કૉલોની તૈયાર કરવામાં આવી છે. આ કૉલોની દિલ્હીના લુટિયન જૉન વિસ્તારના નૉર્થ એવન્યૂમાં તૈયાર કરવામાં આવી છે. સાઉથ એવન્યૂમાં પહેલાથી જ સાંસદો માટે મકાન છે. તે જુના છે, ત્યારે હવે નવી કૉલોની તૈયાર કરવામાં આવી છે. જે આધુનિક બંગલા સમાન છે. કેન્દ્ર સરકાર આ બંગલો તેમના નવા સાંસદો અને પ્રધાનોને રહેવા માટે આપશે.

આ હાઈટેક મકાન 2-4 દિવસમાં તૈયાર થશે. જેમાં 3 રુમ ઉપર અને 3 રુમ નીચે બનાવવામાં આવ્યા છે. તેમજ ઉપર 2 હૉલ અને પાર્કિંગની સાથે લિફટની સુવિધા પણ આપવામાં આવી છે.આ મકાન 2 માળનું છે. જેમાં સંપુર્ણ સુવિધા છે.

લુટિયન જૉનમાં પ્રધાનો અને સાંસદો માટે એકસમાન બંગલો અને ફ્લૈટ અંગ્રેજોના સમયથી ચાલ્યો આવ્યો છે. જેમાં તોડફોડ કરવી કે ફોટોને બદલવો સંભવ નથી. પરંતુ આ વખતે સરકારે પરવાનગી આપી છે. તેમજ અંડર ગ્રાઉન્ડ પાર્કિંગની સુવિધાથી લઈ તમામ સુવિધા છે. જે એક આલીશાન બંગલામાં હોવી જોઈએ.