પૂનમ સિન્હા લખનઉમાં રાજનાથ સામે લડશે ચૂંટણી

લખનઉ: અભિનેતાથી નેતા બન્યા શત્રુધ્ન સિન્હાની પત્ની પૂનમ સિન્હા કેન્દ્રીય ગૃહપ્રધાન રાજનાથ સિંહ વિરૂદ્ધ ચૂંટણી લડશે. પૂમન સિન્હા સમાજવાદી પાર્ટીના ટિકીટ પર બહુજન સમાજ પાર્ટીના સમર્થનમાં આ બેઠક પરથી ચૂંટણી લડશે.

કોંગ્રેસના સુત્રો અનુસાર પાર્ટીએ લખનઉથી કોઇ પણ ઉમેદવારને ન ઉતારતા તથા સિન્હાને સમર્થન આપવાનો નિર્ણય કર્યો છે. આથી રાજનાથ સિંહ તથા પૂનમ સિન્હા વચ્ચે આ બેઠક પર જંગ થશે.

મળતી માહીતી અનુસાર આ જ કારણથી શત્રુધ્ન સિન્હાએ 28 માર્ચના રોજ કોંગ્રેસમાં શામિલ થવાના નિર્ણયને ટાળ્યું હતું. કોંગ્રેસના એક નેતા આ અંગે કહ્યું કે જિતિન પ્રસાદ લખનઉથી ચૂંટણી લડવા માંગતા હતા પરતું તેમના સાસંદીય વિસ્તાર ધૌરહાર માટે રાજી થવું પડ્યું હતું. જે બાદ સ્પષ્ટ થઇ ગયું હતું કે લખનઉ તે સાત સીટોમાં સામેલ છે જેના વિશે કોંગ્રેસે કહ્યું હતું કે તે આ સીટોને સપા-સપા ગઠબંધન માટે છોડી દેશે. શત્રુધ્ન સિન્હા 6 એપ્રિલના રોજ દિલ્હીમાં કોંગ્રેસમાં સામેલ થશે તથા બિહારમાં પટના સાહિબ લોકસભા સીટ પર પાર્ટીના ઉમેદવાર હશે.

રાજનાથ સિંહના વિરૂદ્ધ સંયુક્ત વિપક્ષ ઉમેદવાર ઉભો કરવાનો હેતુ કેન્દ્રીય પ્રધાનને તેમના સંસદીય વિસ્તાર સુધી રાખવાનો છે. સપાના સૂત્રોએ આ અંગે જણાવ્યું કે પાર્ટીએ અગાઉ જ પોતાનું હોમવર્ક પરૂ કરી લીધું છે. સપાના એક નેતાએ કહ્યું કે લખનઉમાં 3.5 લાખ મુસ્લિમ વોટરો સિવાય 4 લાખ કાયસ્થ મતદાતા છે તથા 1.3 લાખ સિંધી મતદાતા છે.

ભાજપાના મહાસચિવ વિજય પાઠકએ અંગે કહ્યું કે લખનઉ હમેશાં ભાજપનો ગઢ રહ્યું છે તથા હમેશા રહેશે. રાજનાથ સિંહ દ્વારા આ વિસ્તારમાં અનેક વિકાસના કાર્યો કરવામાં આવ્યા છે. જણાવી દઇએ કે રાજનાથ સિંહે 2014માં લખનઉ બેઠકથી તેમણે કુલ 55.7 ટકા મત હાસંલ કર્યા હતા.