PM મોદી G-7 સંમેલનમાં ભાગ લેશે, ટ્રમ્પ સાથે કરશે મુલાકાત

બિઆરિત્જઃ જી-7 સંમેલનમાં ભાગ લેવા માટે વડાપ્રધાન મોદી ફ્રાંસના શહેર બિઆરિત્જ પહોંચ્યા છે. સોમવારે મોદી અમેરિકાના રાષ્ટ્રપ્રમુખ ડોનાલ્ડ ટ્રમ્પ સાથે મુલાકાત કરવાના છે. નરેન્દ્ર મોદી અને સંયુક્ત રાષ્ટ્ર મહાસચિવ એંતોનિયો ગુતારેસ વચ્ચે રવિવારે પરસ્પર હિત જેવા અનેક વિષયો પર એક 'સાર્થક ચર્ચા' કરી હતી.

ફ્રાન્સના દક્ષિણ-પશ્ચિમમાં સમુદ્ર કિનારે સ્થિત શહેર બિઆરિત્જમાં G-7 શિખર સંમેલન અંતર્ગત મોદીએ ગુતારેસ સાથે મુલાકાત કરી હતી. વડાપ્રધાન મોદી બહેરીનનો પ્રવાસ પૂર્ણ કર્યા બાદ બિઆરિત્જ પહોંચ્યા હતા.

વડાપ્રધાન મોદીના કાર્યાલયે ટ્વીટ કર્યું કે, 'વડાપ્રધાન મોદી અને સંયુક્ત રાષ્ટ્ર મહાસચિવ ગુતારેસ વચ્ચે G-7 શિખર સમ્મેલન હેઠળ મુલાકાત થઇ હતી. આ બંને નેતાઓએ વિભિન્ન વિષયો પર ચર્ચા કરી હતી.' વિદેશ મંત્રાલયના પ્રવક્તા રવીશ કુમારે ટ્વીટ કર્યું કે, વડાપ્રધાન નરેન્દ્ર મોદી બિઆરિત્ઝમાં G-7 શિખર સમ્મેલનમાં થયેલી મીટિંગ વિશે માહિતી આપી હતી. સંયુક્ત રાષ્ટ્રમાં 'ક્લાઇમેટ એક્શન સમિટ'માં ભારતની ભાગીદારી અને પરસ્પરના હિત જેવા મુદ્દાઓ પર વિચારોનું આદાન-પ્રદાન કરવામાં આવ્યું હતું.

મોદીએ સંયુક્ત રાષ્ટ્ર પ્રમુખ એંતોનિયો ગુતારેસની સાથે કરી 'સાર્થક ચર્ચા'

આ બંને નેતા ફ્રાન્સ G-7 શિખર સમ્મેલનમાં ભાગ લેવા પહોંચ્યા છે. આ મહિનાની શરૂઆતમાં ગુતારેસે ભારત અને પાકિસ્તાનથી 'મહતમ મધ્યસ્થતા' કરવા માટે અનુરોધ કર્યો હતો. મહત્વનું છે કે, મોદી અને ગુતારેસની આ મુલાકાતના એક દિવસ પહેલા પાકિસ્તાનના વિદેશ પ્રધાન શાહ મહમૂદ કુરૈશીએ સંયુક્ત રાષ્ટ્રના પ્રમુખ સાથે વાત કરી હતી. તેમણે જમ્મુ-કાશ્મીરની સ્થિતિથી જાગૃત કર્યા હતા.

ભારતે આંતરરાષ્ટ્રીય સમુદાયને સ્પષ્ટપણે કહ્યું કે, કલમ 370ને નાબુદ કરવું તે ભારતનો આંતરિક મુદ્દો છે. ઉપરાંત ભારતે પાકિસ્તાનને હકીકતનો સ્વીકાર કરવાની પણ સલાહ આપી હતી.