નવી દિલ્હી : દેશમાં મહામારી ફેલાઈ રહી છે અને દરેક લોકો સંઘર્ષ કરી રહ્યા છે, ત્યારે કેન્દ્ર સરકાર સંસદના ચોમાસા સત્ર માટે લાંબું આયોજન કરવા માગતી નથી અને ફકત બે સપ્તાહ માટે સત્ર યોજાઈ શકે છે તેવો સરકારનો પ્રયાસ છે.
જો કે, સૂત્રોએ એમ પણ કહ્યું હતું કે, કોરોના વાઇરસના વધતા જતા કેસોને ધ્યાનમાં રાખીને હજી સુધી કોઈ અંતિમ નિર્ણય લેવામાં આવ્યો નથી અને સામાજિક અંતરના ધારાધોરણોને પગલે સત્ર કેવી રીતે યોજવામાં આવશે તે સ્પષ્ટ કરવું મુશ્કેલ છે. સરકારના સૂત્રોએ જણાવ્યું હતું કે, સત્રની અવધિ અને તેના આયોજનની પદ્ધતિ સત્રની શરૂઆતની વર્તમાન પરિસ્થિતિ પર આધારિત રહેશે.
સૂત્રોએ જણાવ્યું હતું કે, ઘણાં વટહુકમો છે જેને સંસદમાં રજૂ કરવાની જરૂર છે. આથી સત્ર સામાન્ય અવધિનું રહેશે. વરિષ્ઠ સરકારી અધિકારીએ જણાવ્યું હતું કે સંસદનું ચોમાસું સત્ર 22 સપ્ટેમ્બર પહેલા ચોક્કસપણે શરૂ થઈ જશે, કેમ કે બંને સત્રો વચ્ચે છ મહિનાથી વધુનો અંતર ન હોઈ શકે.
સંસદનું બજેટ સત્ર 3 એપ્રિલ સુધી નક્કી કરવામાં આવ્યું હતું, પરંતુ તે પહેલા 23 મી માર્ચે સ્થગિત કરવામાં આવ્યું હતું. નિયમ એવો છે કે, કેન્દ્ર સરકારે છ માસ દરમિયાન એક વખત સંસદનું સત્ર યોજવું જોઈએ. દેશમાં કોરોના મહામારી ફેલાઈ ગઈ હોવાથી બજેટ સત્ર પણ ટૂંકાવી નાખવામાં આવ્યું હતું. પરંતુ હવે સંસદના ચોમાસુ સત્ર માટે સરકાર ફકત બે સપ્તાહ માટે સત્ર યોજવાની તૈયારી કરી રહી છે અને સાથોસાથ એવું આયોજન પણ થઈ રહ્યું છે કે, રોજેરોજ ગૃહની બેઠક નહીં મળે પરંતુ એકાંતરા બેઠક યોજવામાં આવે.
સૂત્રોએ જણાવ્યું હતું કે અનેક વિકલ્પો પર વિચારણા કરવામાં આવી રહી છે. આ વિકલ્પોમાંથી એક છે કે લોકસભા સેન્ટ્રલ હોલ (સેન્ટ્રલ હોલ) આયોજન હોવો જોઈએ.આ દરમિયાન લોકસભા અધ્યક્ષ ઓમ બિરલા અને રાજ્યસભાના અધ્યક્ષ વેંકૈયા નાયડુ સંસદનું ચોમાસું સત્ર સામાજિક અંતર જેવા માપદંડ સાથે યોજવાની ચર્ચા કરી રહ્યા છે.
