જોધપુર: શહેરમાં કોરોના સંક્રમણના કેસ સતત્ત વધી રહ્યા છે. બુધવારે રાત્રે આરોગ્ય વિભાગ દ્વારા 143 કોરોના પોઝિટિવ દર્દીઓની યાદી જાહેર કરવામાં આવી હતી. સૂચિમાં, એક કુટુંબ અને તેમના 20 થી વધુ પરિજનો શહેરની મદેરેણા કોલોનીમાં પોઝિટિવ મળી આવ્યા હતા. આ બધા લોકો લગ્ન સમારોહમાં ગયા હતા. માહીતી મુજબ, આ લગ્ન 3 જુલાઇના રોજ યોજાયા હતા.
આ લગ્ન સમારોહમાં, વર-વધુ સહિતના દરેક લોકો કોરોના પોઝિટિવ મળ્યા હતા. જેના કારણે આરોગ્ય વિભાગે ગુરુવારે સવારે સમગ્ર વિસ્તારમાં કોરોનાના નમૂના લેવાનું શરૂ કર્યું હતું. જેના માટે એક સ્કૂલમાં સેમ્પલિંગ સેન્ટર બનાવવામાં આવ્યું હતું.આ દરમિયાન શાળામાં ભારે ભીડ જોવા મળી હતી, જેના કારણે સ્થળ પર પોલીસ બોલાવવામાં આવી હતી. આ સિવાય અહીં આરોગ્ય વિભાગના કર્મચારીઓ સતત્ત સ્વચ્છતા રાખી રહ્યા છે. સેમ્પલિંગ સેન્ટરમાં 200 થી વધુ લોકોના નમૂના લેવામાં આવ્યા હતા.