નવી દિલ્હી: રાજ્યસભાના નવા ચૂંટાયેલા સભ્ય જ્યોતિરાદિત્ય સિંધિયા, શિબૂ સોરેન, દિગ્વિજય સહિત 61થી વધુ નેતાઓ આજે સદનની ચેમ્બરમાં શપથ લીધા હતા. અધિકારીઓએ જણાવ્યું કે, પ્રથમ વખત હશે જ્યારે આંતર સત્રના સમયગાળા દરમિયાન સભ્યો કોવિડ-19 મહામારીને ધ્યાને રાખી સોશિયલ ડિસ્ટેનસિંગનું પાલન સાથે રાજ્યસભાના અધ્યક્ષની ચેમ્બરમાં શપથ ગ્રહણ લીધા હતા.
રાજ્યસભાની તાજેતરની ચૂંટણીમાં 20 રાજ્યોમાંથી 61 સભ્યો ચૂંટાયા છે. શપથ ગ્રહણ સામાન્ય રીતે સત્ર દરમિયાન થાય છે અથવા જ્યારે સંસદ સત્ર ન હોય ત્યારે રાજ્યસભાના અધ્યક્ષની ચેમ્બરમાં થાય છે.
સભ્યસભાના અધિકારીઓએ જણાવ્યું હતું કે, દરેક સભ્યને શપથ ગ્રહણ સમારોહ માટે તેમની સાથે માત્ર એક જ વ્યકતિને લાવવાની મંજૂરી આપવામાં આવી હતી. રાજ્યસભાના અધ્યક્ષ વૈંકેયા નાયડૂએ નિર્ણય લીધો હતો કે, રાજ્યસભા અને લોકસભા બંન્ને સાથે જોડાયેલી વિભાગની સંસદીય સ્થાયી સમિતિઓની બેઠક શરુ કરવાની અને આ બેઠકોમાં નવા સભ્યોને ભાગ લેવાની જરૂરિયાત ધ્યાનમાં રાખી છે.
અધિકારીઓએ જણાવ્યું કે, કેશવ રાવ અને તિરુચિ શિવા જેવા રાજ્યસભાના કેટલાક નવા ચૂંટાયેલા અને ફરી વખત ચૂંટાયેલા કેટલાક સભ્યો સંસદીય સમિતિના અધ્યક્ષ છે અને શપથ માટે સંબંધિત સમિતિઓની બેઠકો લઈ શકતા નથી. નવા ચૂંટાયેલા સભ્યો પણ પદની ગોપનિયતાના શપથ લીધા વગર સમિતિઓની બેઠકોમાં ભાગ લઈ શકતા નથી.
અધિકારીઓએ જણાવ્યું કે, રાજ્યસભાના મહાસચિવે નવા ચૂંટાયેલા સભ્યોને 22 જુલાઈના શપથ ગ્રહણ માટે જાણકારી આપી હતી. જે લોકો આ શપથ ગ્રહણમાં ન આવી શકે તેમણે સંસદના ચોમાસું સત્ર દરમિયાન શપથ ગ્રહણ આપવામાં આવશે.
