મહારાષ્ટ્રમાં સરકાર બનવાની પ્રક્રિયા શરુ: શરદ પવાર

મુંબઈ: મહારાષ્ટ્રમાં રાષ્ટ્રપતિ શાસન લાગુ છે. NCP, કોંગ્રેસ અને શિવસેનાએ આંતરિક વિવાદો અલગ રાખી નિર્ણય કર્યો કે, મહારાષ્ટ્રમાં સરકાર બનાવવાની પ્રક્રિયા શરુ કરવામાં આવી છે. જેમાં મુખ્ચ પ્રધાન શિવસેનાનો જ રહેશે. NCP આ વાતને સમર્થન આપ્યું છે. NCP અધ્યક્ષ શરદ પવારે કહ્યું કે, મહારાષ્ટ્રમાં સરકાર બનવાની પ્રક્રિયા શરુ થઈ ચુકી છે.

રાષ્ટ્રવાદી કોંગ્રેસ પાર્ટીના અધ્યક્ષ શરદ પવારને સમર્થન આપતા કહ્યું કે, મહારાષ્ટ્રમાં સરકાર બનવાની પ્રક્રિયા શરુ થઈ ચુકી છે. આ પહેલા NCPના નેતા નવાબ મલિકે જણાવ્યું કે, CM શિવસેનાનો જ રહેશે. મહારાષ્ટ્રમાં NCP, કોંગ્રેસ અને શિવસેનાના પ્રતિનિધિઓએ રાજ્યપાલને મળવા માટેની અંતિમ વ્યુહરચના બનાવી હતી.

આ અગાઉ એનસીપીના વરિષ્ઠ નેતા નવાબ મલિકે મહારાષ્ટ્રના મુખ્યપ્રધાન પદને લઇને મોટો ખુલાસો કર્યો હતો. તેમણે કહ્યું કે આ સવાલ વારંવાર પૂછવામાં આવી રહ્યો છે કે, શિવસેનાના CM નક્કી થઈ ગયા? મુખ્યપ્રધાન પદ અંગે જ શિવસેના અને ભાજપ વચ્ચે વિવાદ થયો હતો. જેથી CM તો નિશ્ચિતપણે શિવસેનાના જ હશે. આ સાથે જ ભાજપે શિવસેનાનું અપમાન કર્યુ છે. પરંતુ શિવસેનાનું સન્માન જાળવી રાખવુ એ અમારી જવાબદારી છે.