વડાપ્રધાન મોદીનું વન નેશન, વન ઈલેક્શન પર ફોકસ, 19 જૂને તમામ પક્ષ સાથે કરશે બેઠક

નવી દિલ્હીઃ વડાપ્રધાન નરેન્દ્ર મોદીએ એક દેશ, એક ચૂંટણી મુદ્દે વિસ્તાર પૂર્વક ચર્ચા કરવા માટે તમામ પક્ષોની 19 જૂને બેઠક બોલાવી છે. આ બેઠકમાં તમામ રાજકીય પક્ષોના પ્રમુખને આમંત્રણ આપવામાં આવ્યું છે. આ અગાઉ 17મી લોકસભાના સત્ર પહેલા સર્વદલીય બેઠક યોજાઈ ગઈ.

વડાપ્રધાન મોદીએ 'એક દેશ, એક ચૂંટણી'ના મુદ્દે ચર્ચા માટે તમામ રાજકીય પક્ષોને લોકસભા અને રાજ્યસભામાં પ્રતિનિધિત્વ કરતા પ્રમુખોની 19 જૂને એક બેઠક બોલાવી છે. સંસદીય કાર્યમંત્રી પ્રહલાદ જોશીએ રવિવારે આ જાણકારી આપી.

સંસદીય બાબતોના પ્રધાને આપી જાણકારી

સરકાર દ્વારા બોલાવાયેલી આ સર્વપક્ષીય બેઠક બાદ જોશીએ કહ્યું કે વર્ષ 2022માં ભારતની આઝાદીને 75 વર્ષ પૂર્ણ થશે. ઉપરાંત આ વર્ષે મહાત્મા ગાંધીની 150મી જન્મ જયંતિ ઉજવાઈ રહી છે. આ અંગેના આયોજન અંગે ચર્ચા માટે તેમજ જિલ્લાઓ સંબંધિત મુદ્દાઓના વિચાર-વિમર્શ માટે વડાપ્રધાન મોદીએ બેઠક બોલાવી છે.

વડાપ્રધાન મોદીએ 'એક દેશ એક ચૂંટણી' પર ચર્ચા માટે 19 જૂને સર્વદળીય બેઠક બોલાવી

તેમણ કહ્યું કે વડાપ્રધાન આ મુદ્દાઓ પર ચર્ચા કરવા માટે 19 જૂને સાંસદોની પણ બેઠક બોલાવી છે. આ અગાઉ કેન્દ્ર સરકારે 17મી લોકસભાનું સત્ર શરૂ થતા પહેલા સર્વદળીય બેઠક બોલાવી. આ બેઠકમાં વડાપ્રધાન નરેન્દ્ર મોદી સહિત અન્ય પક્ષોના નેતા શામેલ થયા હતા.સંસદીય બાબતોના પ્રધાન પ્રહ્લાદ જોશી અને કેટલાય કેન્દ્રિય પ્રધાનોએ સોનિયા ગાંધી અને ગુલાબ નબી આઝાદ સહિત વિપક્ષના નેતાઓ સાથે મુલાકાત કરી સંસદમાં યોગ્ય સંચાલન કરવા માટે સહયોગ માંગ્યો હતો.