ચૂંટણી પંચે ભાજપના ઉમેદવાર ઈમરતી દેવીના ચૂંટણી પ્રચાર પર લગાવ્યો પ્રતિબંધ

મધ્ય પ્રદેશમાં ચૂંટણી પંચની આચારસંહિતાના ભંગ બદલ ભારતીય જનતા પાર્ટીના નેતા ઇમરતી દેવીને 1 નવેમ્બરના રોજ જાહેરસભાઓ, રોડ શો, ઇન્ટરવ્યુ અને મીડિયામાં જાહેર નિવેદનો આપવા પર પ્રતિબંધ મૂક્યો છે.

• નિવેદનો આપવા પર પ્રતિબંધ
• ઇમરતી દેવી પર પશબ્દો કહેવા બદલ નોટિસ ફટકારાઇ
• આચારસંહિતાના ભંગ બદલ નિવેદનો આપવાની મનાઈ

ભોપાલ: મધ્ય પ્રદેશમાં ચૂંટણી પંચ ભારતીય જનતા પાર્ટીના નેતા ઇમરતી દેવીને 1 નવેમ્બરના રોજ આચારસંહિતાના ભંગ બદલ જાહેરસભાઓ, જાહેર રેલીઓ, રોડ શો, ઇન્ટરવ્યુ અને મીડિયામાં જાહેર નિવેદનો આપવા પર પ્રતિબંધ મૂક્યો છે. ભાજપના ઉમેદવાર ઇમરતી દેવી દ્વારા પેટાચૂંટણી માટે રાજકીય હરીફને પાગલ કહેવા અને તેના પરિવારની મહિલા સભ્યો વિરુદ્ધ અપશબ્દો કહેવા બદલ નોટિસ ફટકારી હતી. આયોગે નોટિસનો 48 કલાકમાં જવાબ આપવા જણાવ્યું હતું. જે બાદ આજે પંચે તેમની વિરુદ્ધ કાર્યવાહી શરૂ કરી હતી.

સિંધિયાએ કમલનાથ પર "કૂતરો" શબ્દ વાપરવાનો આરોપ લગાવ્યો

મધ્યપ્રદેશમાં યોજનારી 28 વિધાનસભાની પેટાચૂંટણીના પ્રચારમાં ભાજપ અને કોંગ્રેસના વરિષ્ઠ નેતાઓ વચ્ચે શબ્દો પ્રહાર ઉગ્ર બન્યા છે. ભાજપના સાંસદ જ્યોતિરાદિત્ય સિંધિયાએ પ્રદેશ કોંગ્રેસ પ્રમુખ કમલનાથ પર આરોપ મૂક્યો છે. તેમને "કૂતરો" શબ્દનો ઉપયોગ કર્યો હતો, પરંતુ કોંગ્રેસના પ્રવક્તાએ ભોપાલમાં આ વાતનો ઇન્કાર કર્યો હતો અને જણાવ્યુ હતુ કમલનાથે તેમના ભાષણમાં ક્યારેય સિંધિયા માટે આ શબ્દનો ઉપયોગ કર્યો નથી.

ભાજપના સાંસદનો વીડિયો વાયરલ

ભાજપના સાંસદના આ ભાષણનો વીડિયો પણ સોશિયલ મીડિયા પર વાયરલ થયો છે. આ વીડિયોમાં સિંધિયા જનતાને પુછી રહ્યા છે કે, કમલનાથ અશોક નગર ક્યારે આવશે. લોકો જવાબ આપે છે કે, કમલનાથ અશોક નગરમાં શુક્રવારના રોજ આવ્યા હતા.કમલનાથના મીડિયા કન્વીનર નરેન્દ્ર સલૂજાએ જણાવ્યું હતું કે, પ્રદેશ કોંગ્રેસ પ્રમુખે ક્યારેય સિંધિયા કે અન્ય કોઈ નેતા માટે આ પ્રકારનો શબ્દ વાપર્યો નથી.