બહરીનમાં શ્રીનાથજીના દર્શન કરી ફ્રાન્સ જવા રવાના થયા મોદી, સાંજે જી-7 શિખર સંમેલનમાં ભાગ લેશે

મનામા: વડાપ્રધાન મોદી ફ્રાન્સમાં આયોજીત જી-7 શિખર સંમેલનમાં ભાગ લેવા રવાના થઈ ગયા છે. આ અગાઉ મોદીએ બહરીનમાં શ્રીનાથજીના મંદીરમાં દર્શન કર્યા હતાં.

આપને જણવી દઈએ કે, વડાપ્રધાન મોદીએ ભગવાન શ્રીકૃષ્ણના 200 વર્ષ જૂના મંદીરના જીર્ણોદ્ધાર માટેની 42 લાખ ડૉલરની યોજનાનો શુભારંભ કર્યો હતો. મનામામાં શ્રીનાથજી મંદીરનો જીર્ણોદ્ધાર આ વર્ષે જ શરૂ કરવામાં આવશે.વડાપ્રધાન મોદી ત્રણ દેશોના પ્રવાસે છે. અહીં તેઓ આખરી પડાવમાં બહરીનમાં હતા.જ્યાં તેમને ધ કીંગ હમાદ ઓર્ડર ઓફ ધ રેનેસાંથી સ્નમાનિત કરવામાં આવ્યા હતા.