લખીમપુર ખીરી: યુપીના લખીપુર ખીરી જિલ્લાના એક ક્ષેત્રમાં શુક્રવારની સવારના 13 વર્ષીય બાળકીનો મૃતહેદ ગામની બહારના ખેતરોમાંથી વિચિત્ર હાલતમાં મળી આવ્યો હતો.
આ અંગે પોલીસે મૃતદેહને પોસ્ટમાર્ટમ માટે મોકલ્યો છે. આ ઘટના ઇસનગર ક્ષેત્રે ગ્રામીણ વિસ્તારમાં બની છે. જ્યાં એક 13 વર્ષીય છોકરી શુક્રવારની સવારે 10 વાગ્યે ખેતરમાં શૌચક્રિયા માટે ગઈ હતી, તુરંત છોકરી પાછી ઘરે ન આવતા પરિજનોએ શોધખોળ શરૂ કરી હતી. બાદમાં સાંજે 6 વાગ્યે ગામના જ શેરડીના ખેતરમાંથી કિશોરીનો મૃતદેહ ક્ષત-વિક્ષત સ્થિતિમાં મળી આવ્યો હતો.
આ અંગે પરિવારે પોલીસને જાણ કરી હતી. પોલીસે સ્થળ મુલાકાત લઈ મૃતદેહને પોસ્ટમોર્ટમ માટે મોકલ્યો હતો. આ સમગ્ર મામલે પરિવારજનોએ હત્યાની આશંકા વ્યક્ત કરી હતી. આ અંગે પરિજનોએ જણાવ્યું હતું કે, ગળામાં દૂપટ્ટો બાંધી શરીરને ઘા મારી હત્યા થઈ છે. આ અંગે પોલીસ અધિકારી એસ.પી. સંતેન્દ્ર કુમારે કહ્યું કે, સમગ્ર મામલે અમે કેસ દાખલ કર્યો છે. હાલ પોલીસ વધુ કાર્યવાહી કરી રહી છે.
એસપી સત્યેન્દ્ર કુમારે જણાવ્યું હતું કે, આ કેસમાં એફઆઈઆર નોંધવામાં આવી છે. બે આરોપીની ધરપકડ કરવામાં આવી છે. મૃતક કિશોરીના પોસ્ટ મોર્ટમ રિપોર્ટમાં દુષ્કર્મની પુષ્ટિ થઈ છે.
આ અંગે માયાવતીએ ટ્વીટ કર્યું હતું કે, રાજ્યમાં દલિતો અને મહિલાઓ પર સતત હુમલાઓ થઈ રહ્યાં છે, હત્યા થઈ રહી છે. આવી સ્થિતિમાં સપા અને ભાજપ વચ્ચે શું ફરક છે?
