કોરોના સંકટ: દેશમાં લોકડાઉન, ગૃહ મંત્રાલયે દુકાનદારોને આપ્યા દિશા-નિર્દેશ

કેન્દ્રીય ગૃહ મંત્રાલયે દેશવ્યાપી લોકડાઉન અંગે એક સ્ટેન્ડર્ડ ઓપરેટિંગ પ્રોસેઝર (SPO) જાહેર કર્યું છે. જેમાં ગૃહ મંત્રાલયે દુકાનો માટે માર્ગદર્શિકા જાહેર કરી છે. જાણો સંપૂર્ણ સમાચાર

નવી દિલ્હી: કેન્દ્રીય ગૃહ મંત્રાલયે દેશવ્યાપી લોકડાઉનને લગતી એક સ્ટેન્ડર્ડ ઓપરેટિંગ પ્રોસેઝર (SPO) જાહેર કર્યું છે. જેમાં જણાવાયું છે કે, લોકોની આવશ્યક ચીજવસ્તુઓ માટે નાની છૂટક દુકાન, રિટેલ શોપ અને ઇ-કોમર્સ કંપનીઓ દ્વારા સેવા ઉપલબ્ધ રહેશે.

ગૃહ મંત્રાલયે SPO જણાવ્યું છે કે, તૈયાર ખાદ્ય ચીજોનો સપ્લાય કરતી રેસ્ટોરન્ટ સહિતની આવશ્યક ચીજવસ્તુઓનો સપ્લાય કરનારને દેશવ્યાપી લોકડાઉનમાંથી મુક્તિ આપવામાં આવી છે. જેથી આ લોકો પોતાની શોપ કે, હોટલ ખુલ્લી રાખી જરૂરી ચીજવસ્તુઓનું વેચાણ કરી શકશે.

નોંધનીય છે કે, વડાપ્રધાન નરેન્દ્ર મોદીએ 24મી માર્ચના રોજ કોરોના વાઇરસ સામે લડવા દેશવ્યાપી લોકડાઉનની જાહેરાત કરી હતી.