આર્ટીકલ 35-A બચાવવા માટે જેલ જવા તૈયાર: મહેબૂબા મુફ્તી

શ્રીનગર: જમ્મુ કાશ્મીરના ભૂતપૂર્વ મુખ્યપ્રધાન તેમજ પીપલ્સ ડેમોક્રેટિક પાર્ટી (પીડીપી) પ્રમુખ મહેબૂબા મુફ્તીએ રવિવારના રોજ કહ્યું કે, તેઓ આર્ટીકલ 35-A રક્ષા માટે જેલ જવા પણ તૈયાર છે. જે આ રાજ્યને વિશેષ દરજ્જો આપે છે. પીડીપીના સ્થાપના દિવસ પર પાર્ટીના કાર્યકર્તાઓએ મહેબૂબા મુફ્તીએ કહ્યું કે, 'જે કોઈ આર્ટીકલ 35-Aમાં ફેરફાર કરવાના પ્રયત્નો કરી રહ્યા છે તેઓ ડાયનામાઈટ સાથે રમી રહ્યા છે. આના પરીણામો વિનાશકારી હશે, જેને કોઈપણ નિયંત્રિત કરી શકશે નહી.'

તેઓએ કહ્યું કે, તેમની પાર્ટી રાજ્યના વિશેષ દરજ્જાના સંરક્ષણ માટે પર્વતની જેમ ઉભી રહેશે અને આર્ટીકલ 35-Aની રક્ષા માટે તેઓ જેલ જવા પણ તૈયાર છે.

મુફ્તીએ ભૂતપૂર્વ મુખ્યપ્રધાન તેમજ નેશનલ કોન્ફ્રન્સના ઉપપ્રમુખ ઉમર અબ્દુલ્લાની આલોચના કરી. ઉમર અબ્દુલ્લાએ કહ્યું હતું કે, આર્ટીકલ 35-A પર સુપ્રીમ કોર્ટના નિર્ણયને એનસી દ્વારા સ્વીકાર કરવામાં આવશે.

મહેબુબા મુફ્તીએ કહ્યું કે, આર્ટીકલ 35-A સાથે કોઈપણ પ્રકારની છેડછાડને જમ્મુ કાશ્મીરના લોકોને સ્વીકાર્ય નહીં હોય.