મુખ્યપ્રધાનની માનહાની થાય તેવા નિવેદનો ન આપો: મણિપુર હાઇકોર્ટ

મણિપુરની એક મહિલા અધિકારીએ મુખ્યપ્રધાન પર ડ્રગ વેપારીને છોડવા માટે દબાણ કરવાનો આરોપ લગાવ્યો હતો. જેના પર હાઈકોર્ટે તેમને સીએમ એન બિરેન સિંહ વિરુદ્ધ કોઈ માનહાનિ ભર્યું નિવેદન ન આપવા નિર્દેશ આપ્યો છે.

ઇમ્ફાલ: મણિપુરની એક અદાલતે એક મહિલા પોલીસ અધિકારીને મુખ્યપ્રધાન એન બિરેન સિંહ વિરુદ્ધ 'પાયાવિહોણા અને માનહાનિ ભર્યા ' નિવેદન ન આપવા નિર્દેશ આપ્યો છે. અધિકારીએ મુખ્યપ્રધાન પર આરોપ મૂક્યો હતો કે તેઓ આરોપી ડ્રગ વેપારીને છોડી દેવા માટે દબાણ કરી રહ્યા છે.

બુધવારે તેમના આદેશમાં સિવિલ ન્યાયાધીશ વાય સમરજિતસિંહે મણિપુર પોલીસ સેવા અધિકારી થૌનાઓઝામ વૃંદા અને કેટલાક અખબારો સહિત 10 અન્ય આરોપીઓને મૌખિક રીતે માનહાનિના નિવેદનો આપવા, અહેવાલ આપવા અથવા પ્રકાશિત નહીં કરવાનો નિર્દેશ આપ્યો છે.

કોર્ટ સિંહ દ્વારા દાખલ કરેલી અરજીની સુનાવણી કરી રહી હતી, જેમાં અધિકારીને સીએમ વિરુદ્ધ 'માનહાનિપૂર્ણ' નિવેદનો આપવા અને મીડિયામાં પ્રકાશિત કરવા પર રોકવાના નિર્દેશ આપ્યાં હતો.

સમાચારપત્રોએ વૃંદા વતી ફાઇલ કરેલા એફિડેવિટના આધારે એક લેખ પ્રકાશિત કર્યો હતો, જેમાં તેમણે દાવો કર્યો હતો કે મુખ્યપ્રધાને ડ્રગ રેકેટના કથિત મુખ્ય સૂત્રધાર લુખોસેઇ જોઉને મુક્ત કરવા માટે તેમના પર દબાણ કર્યું હતું.