સંસદમાં ચપ્પુ લઈ ઘૂસી રહેલા યુવકને પોલીસે દબોચી લીધો

નવી દિલ્હી: દિલ્હીના વિજય ચોક આર્યન ગેટ પાસે એક બાઈક સવાર યુવકને પકડી પાડવામાં આવ્યો હતો. બતાવામાં આવી રહ્યું છે કે, આ યુવક સંસદ ભવનમાં ચપ્પુ લઈને ઘૂસવાનો પ્રયત્ન કરી રહ્યો હતો. જો કે, સંસદ ભવનમાં સુરક્ષાકર્મીઓએ તેને દબોચી લીધો હતો. ઘટનાસ્થળ પર પહોંચેલી પોલીસે તેને ઝડપી વધું પૂછપરછ હાથ ધરી છે.

આ યુવકનું નામ સાગર ઈંસાન છે, જે દિલ્હીના લક્ષ્મી નગર વિસ્તારનો રહેવાસી છે. પ્રાપ્ત વિગતો મુજબ જોઈએ તો આ યુવક રામ રહિમના નારા લગાવી રહ્યો હતો. હાલ પોલીસે તેની ધરપકડ કરી વધુ તપાસ હાથ ધરી છે. આ યુવક સ્પ્લેન્ડર બાઈકમાં સંસદ ભવન પહોંચ્યો હતો. આ બાઈકને પણ ઝડપી લેવામાં આવ્યું છે. સંસદમાં શું કામ આવ્યો હતો, તથા આવું કરવા પાછળ તેનો શો ઉદેશ્ય હતો તે હજૂ જાણવા મળ્યું નથી.