કસરત કરીને રેલવે પ્લેટફોર્મની ટિકીટ ફ્રીમાં મેળવો, કેન્દ્ર સરકારે કરી પહેલ

કેન્દ્ર સરકારે ફિટનેસની સાથે બચત નામે એક પહેલ શરૂ કરી છે. આ પહેલ પ્રમાણે કોઇપણ વ્યક્તિ કસરત કરીને રેલવે પ્લેટફોર્મની ટિકીટ ફ્રી માં મેળવી શકે છે.

નવી દિલ્હી : કેન્દ્ર સરકારે ફિટનેસની સાથે બચત પણ નામે એક પહેલ શરૂ કરી છે. જેની શરૂઆત દિલ્હીના આનંદ વિહાર રેલ્વે સ્ટેશનથી કરાઇ છે. આ રેલ્વે સ્ટેશનમાં એક મશીન લગાવવામાં આવ્યુ છે. તેમાં કોઇ પણ વ્યક્તિ ઉઠક બેઠક કરીને ફ્રી માં પ્લેટફોર્મ ટિકીટ મેળવી શકે છે.

લોકોમાં કસરત માટે જાગૃતતા આવે તે માટે આ પહેલ શરૂ કરાઇ છે. આ પહેલની જાણકારી કેન્દ્રીય મંત્રી પીયૂષ ગોયલે એક ટ્વિટ કરીને આપી હતી. તેમજ તેમણે મશીન સામે એક વ્યક્તિ કસરત કરે છે. તેવો એક વિડિયો પણ પોસ્ટ કર્યો હતો.

આ પહેલ પર કેન્દ્રીય મંત્રી કિરેન રિજિજુએ એક ટ્વિટ કરીને લોકોને આ પહેલમાં જોડાવા આહવાન કર્યુ હતું. અને જણાવ્યુ કે, આવો આપણે બધા વડાપ્રધાનના ફિટ ઇન્ડિયા પહેલમાં જોડાઇએ અને દેશને ફીટ બનાવીએ.