કેરળમાં સગર્ભા હાથણીના મોત મામલે સુપ્રીમ કોર્ટમાં જાહેર હિતની અરજી દાખલ

વિસ્ફોટકોનો ઉપયોગ ગેરકાયદેસર, ગેરબંધારણીય અને આર્ટિકલ 14 અને 21નું ઉલ્લંઘન જાહેર કરવાની માગ સાથે અદાલતમાં અરજી કરવામાં આવી છે.

નવી દિલ્હી: કેરળના કોલ્લમ જિલ્લામાં સગર્ભા હાથણીના મોત મામલે જાહેર હિતની અરજી કરવામાં આવી છે. સુપ્રીમ કોર્ટે કેન્દ્ર સરકાર, કેરળ સરકાર અને 12 રાજ્યોને આ મામલે જવાબ આપવા નોટિસ ફટકારી છે. પીઆઈએલમાં કહ્યું છે કે સર્વોચ્ચ અદાલતે વિસ્ફોટકોનો ઉપયોગ કરવા જેવી પ્રથાના બર્બર પદ્ધતિઓને ગેરકાયદેસર અને ગેરબંધારણીય અને આર્ટિકલ 14 અને 21 નું ઉલ્લંઘન જાહેર કરે.

વળી, કેન્દ્ર સરકાર અને રાજ્ય સરકારે પ્રાણી નિવારણ ક્રૂરતા અધિનિયમ, 1960 માં જરૂરી સુધારા કરવા અને શિક્ષાત્મક પ્રણાલીને વધુ કડક બનાવવા આદેશો જારી કરવા જોઈએ.

અરજીમાં એમ પણ કહેવામાં આવ્યું છે કે મીડિયાએ અને સંબંધિત અધિકારીઓ દ્વારા આવા સમાચારોની સાવચેતીભર્યું અને સંવેદનશીલ કાર્યવાહી કરવા માટે કોર્ટે માર્ગદર્શિકા જાહેર કરવી જોઈએ જેથી સમાજમાં કોઈ વિરોધ ન સર્જાય.

પિટિશનમાં કહેવામાં આવ્યું છે કે રાજ્ય સરકાર દ્વારા આ મામલે માહિતીના અભાવને લીધે, આ મુદ્દાની ચર્ચા ચેનલો અને ટ્વિટર જેવા પ્લેટફોર્મ પર થઈ હતી. જેના પરિણામે મલયાલી / કેરળના રહેવાસીઓ પર અત્યાચાર ગુજારવામાં આવ્યો, કારણ કે તેઓને મીડિયામાં હાથીઓના હત્યારા તરીકે દર્શાવવામાં આવ્યા હતા.