આ યુવકે બાઇકના એન્જીનમાંથી બનાવ્યું સિંચાઇ મશીન, 6 લોકો કરી શકે છે ઉપયોગ

કર્ણાટકના કડાબા તાલુકના નંદન નામના યુવકે એક જૂની બાઇકના એન્જીનમાંથી સિંચાઇ મશીનનું નિર્માણ કર્યું છે. આ મશીન મારફતે 6 લોકો લગભગ 1 લીટર પેટ્રોલમાં 600 વૃક્ષોની સિંચાઇ કરી શકે છે. નાના એવા ગામના નંદને બીજી વસ્તુઓનું પણ નિર્માણ કર્યું છે. જેના કારણે તે આજુબાજુના ગામમાં પ્રખ્યાત છે. વાંચો સંપૂર્ણ સમાચાર...

બેંગલુરુઃ કોવિડ-19થી બચવા માટે લોકો ઘરમાં રહેવા મજબૂર બન્યા છે. પરંતુ સમયનું મહત્વ સમજીને કર્ણાટકના કડાબ તાલુકના નંદને એક જૂની બાઇકના એન્જીનનો ઉપયોગ કરી સિંચાઇ મશીનનું નિર્માણ કર્યું છે. આ મશીનનો ઉપયોગ પાકમાં દવા છાંટવા સહિત ગાડીમાં પણ તેનો ઉપયોગ કરી શકાય છે.

નંદને આ મશીનનું નિર્માણ સગાસંબંધીના ઘરેથી એકઠા કરેલા વેસ્ટ બાઇકના એન્જીનમાંથી કર્યું છે. જેમાં લગભગ 7,000 રૂપિયાની એર કીટ પણ લગાવવામાં આવી છે. આ મશીનમાં 1 લીટર પેટ્રોલથી 600 વૃક્ષો સુધીની સિંચાઇ થઇ શકે છે. આ મશીનનો ઉપયોગ મહત્તમ 6 લોકો કરી શકે છે.

નંદને સુબ્રમણ્યમાં જેઓસી પૂરું કર્યા બાદ એન્જીનિયરીંગમાં સ્નાતક ડિગ્રી મેળવી છે અને બાદમાં મિકેનીકલ એન્જીનિયરીંગ ડિપ્લોમાં પણ પૂરું કર્યું છે. બેંગલુરુમાં એક ખાનગી ફાર્મમાં થોડો સમય કામ કર્યા બાદ તે એક દુકાનમાં કામ કરી રહ્યો હતો. જ્યા તે ખેતી માટે ઉપયોગમાં લેવાતા સાધનોનું સમારકામ કરતો હતો.

નંદન પોતાના સ્કૂલના દિવસોમાં વિજ્ઞાન અને પ્રૌદ્યોગિક એકમમાં રસ દાખવતો હતો. આ યુવકે સ્કૂલના બાળકો માટે ઘણા મોડલ તૈયાર કર્યા છે. નંદન તેમના પરિવારના 3 બાળકોમાંથી સૌથી નાનો પુત્ર છે.