નિર્ભયા કેસ : ન્યાય મેળવવામાં વિલંબ થઈ શકે પરંતુ અંતે જીત ન્યાયની જ થાય છે

23 વર્ષની પેરામેડીકલની વિદ્યાર્થીની પર દિલ્હીમાં ચાલુ બસમાં ગેંગરેપની ઘટનાના સાત વર્ષ બાદ હવે આખરે તિહાર જેલમાં આ દોષિતોને ફાંસી આપવામાં આવશે. લાંબા સમયથી જે ન્યાયની રાહ જોવાઈ રહી હતી તેનો આખરે અંત આવશે અને દેશ ફાંસીની સજાનો સાક્ષી બનશે

નવી દિલ્હી :નિર્ભયા ગેંગરેપની ચકચારી ઘટનાએ દેશના લોકોના અંતરઆત્માને હલાવી નાખ્યો હતો અને ત્યાર બાદ દેશભરમાં ન્યાયની માંગ સાથે તેમજ આવી ક્રુરતા આચરનાર દોષિતો સામે કડક પગલાની માંગ સાથે દેશભરમાં વિરોધ પ્રદર્શનો શરૂ થયા હતા.

ઝડપી ન્યાયની માંગ વચ્ચે પણ દોષિતોએ કાયદાકીય છટકબારીનો લાભ લઇને આ કેસને સાત વર્ષ સુધી ખેંચ્યો.ચારેય દોષિતોને આખરે ફાંસીના ફંદા પર લટકાવવામાં આવશે અને તમામ અવરોધો અને છીંડાઓ સામે આપણી ન્યાય અને વ્યવસ્થાની જીત થશે.

હવે ખરા અર્થમાં નિર્ભયાના આત્માને શાંતિ મળશે.