ભૂસ્ખલનથી જમ્મૂ-શ્રીનગર હાઈવે બંધ, 3000 વાહન ફસાયા

જમ્મૂ : જમ્મૂ-શ્રીનગર હાઈવે પર ભૂસ્ખલનના થતાં રસ્તો બંધ થયો હતો. જેનાથી જમ્મૂ-શ્રીનગર હાઈવે પર અંદાજે 3,000 વાહન ફસાયા છે.

જમ્મૂ કાશ્મીરના રામબન જિલ્લામાં ભૂસ્ખલના કારણે જમ્મુ-શ્રીનગર હાઇવે પર 3000 વાહન ફસાયા છે.અધિકારીએ જણાવ્યું કે, 270 કિલોમીટર લાંબો આ હાઈવે કાશ્મીરને દેશના અન્ય વિસ્તારો સાથે જોડનાર એકમાત્ર રસ્તો છે. જિલ્લાના ડિગડોલ વિસ્તારમાં ગુરુવાર રાત્રે થેયલા ભૂસ્ખલનને કારણે સમગ્ર ઘટના બની છે.

હાઈવે પર 3000 ભારે વાહન અને અન્ય 300 વાહનો હાઇ-વે પર જુદા જુદા સ્થળોએ ફસાયેલા છે.વિસ્તારને સાફ કરવા માટે લોકો અને અન્ય મશીનો તૈનાત કરવામાં આવ્યા છે.

ગત્ત મહિનામાં બરફવર્ષાના કારણે થયેલા ભૂસ્ખલનથી આ હાઈવે ત્રણ દિવસ સુધી બંધ રહ્યો હતો.