જમ્મુ કાશ્મીરનો ડોડા જિલ્લો આતંક મુક્ત બન્યો : DGP

જમ્મુ કાશ્મીરના અનંતનાગમાં આજે સવારે થયેલી અથડામણમાં ત્રણ આતંકીઓને ઠાર કર્યા છે. પોલીસ પાસેથી મળતી માહિતી મુજબ ડોડા જિલ્લામાં અથડામણ સર્જાઇ હતી.

શ્રીનગર : જમ્મુ કાશ્મીરના ડોડા જિલ્લામાં આજે સવારે સુરક્ષાદળે ત્રણ આતંકીઓને ઠાર કર્યા છે. પોલીસ પાસેથી મળતી માહિતી મુજબ ડોડા જિલ્લામાં વિસ્તારમાં આ અથડામણ સર્જાઇ હતી.

અથડામણમાં ત્રણ આંતકીમાંથી 2 લશ્કરે તોયબાના અને 1 હિઝબુલ કમાન્ડર મસૂદને ઠાર કર્યો છે. મસૂદ એક માત્ર આતંકી હતો જેને ઠાર કરાતા ડોડા જિલ્લો હવે આતંક મુક્ત બની ગયો છે.

આ સમગ્ર અથડામણમાં આતંકીઓ પાસેથી AK-47 સહિત કેટલાક હથીયારો મળી આવ્યા હતા. અથડામણ ખત્મ થઇ છે અને ઓપરેશન હજુ પણ યથાવત છે.

ઉલ્લેખનિય છે કે સેના અને જમ્મુ કાશ્મીર પોલીસે આ ઓપરેશનને પાર પાડ્યુ હતું. મહત્વનું છે કે જમ્મુ કાશ્મીરમાં આતંકીઓનો નાશ કરવા માટે સુરક્ષાદળો ઓપરેશન ચલાવી રહ્યાં છે.