શ્રીનગર: જમ્મુ-કાશ્મીરના ભૂતપૂર્વ મુખ્યપ્રધાન મહેબૂબા મુફ્તીની કસ્ટડી જાહેર સલામતી અધિનિયમ (પીએસએ) હેઠળ ત્રણ મહિના માટે વધારવામાં આવી છે. જાહેર સલામતી અધિનિયમ (પીએસએ) હેઠળ તેની અટકાયતનો અંત આવવાનો હતો. જો કે મહેબુબાની અટકાયતનો સમય પૂરો થતાં પહેલાં ત્રણ મહિના વધારવામાં આવ્યો છે.
ડિસ્ટ્રિક્ટ મેજિસ્ટ્રેટે મહેબૂબા મુફ્તીને તેના ઘરે અટકાયતનો આદેશ મોકલ્યો હતો. જમ્મુ-કાશ્મીર સરકારના મુખ્ય સચિવ શાલીન કાબરા દ્વારા જાહેર કરાયેલા હુકમ મુજબ, જમ્મુ-કાશ્મીર જાહેર સલામતી અધિનિયમ, 1978 હેઠળ મહેબૂબા મુફ્તીની કસ્ટડીમાં વધારો કરવામાં આવ્યો છે.
કસ્ટડીમાં વધારો કરવા અંગે આપવામાં આવેલા પત્ર મુજબ, જિલ્લા વહીવટીતંત્રે પીએસએ એક્ટ, 1978 ની કલમ 8 ની પેટા કલમ (1) કલમ 8 (1) (ક) (ક) નો ઉપયોગ કર્યો છે. પત્રમાં જણાવાયું છે કે બિજબેહરાના નૌગાંવમાં રહેતા સ્વર્ગીય મુફ્તી મોહમ્મદ સૈયદની પુત્રી મહેબૂબા મુફ્તીની અટકાયતનો સમયગાળો વધુ ત્રણ મહિના માટે વધારવામાં આવ્યો છે.
મુફ્તી પીપલ્સ ડેમોક્રેટિક પાર્ટી (પીડીપી) ના પ્રમુખ છે જે જૂન 2018 સુધી ભાજપ સાથે જોડાણમાં જમ્મુ-કાશ્મીરમાં સત્તા પર હતી. પીએસએ હેઠળ ઓમર અબ્દુલ્લાની સાથે આ વર્ષે ફેબ્રુઆરીમાં તેમને કસ્ટડીમાં લેવામાં આવ્યા હતા, જે બાદમાં માર્ચમાં કસ્ટડીમાં વધારો કર્યો હતો.
