સંદેસરા કૌભાંડઃ EDએ કોંગી નેતા અહમદ પટેલને પૂછ્યા 128 પ્રશ્નો

સંદેસરા સ્કેમ કેસમાં પ્રવર્તન નિદેશાલય (ED)ની એક ટીમે કોંગ્રેસના નેતા અહમદ પટેલને શુક્રવારે ફરીથી પૂછપરછ કરી હતી. અહમદ પટેલે જણાવ્યું કે, મને 128 પ્રશ્નો પૂછવામાં આવ્યા છે. બધા જ પ્રશ્નો આરોપો પર આધારિત હતા, જેનું તેની પાસે કોઇ પ્રમાણ નથી.

નવી દિલ્હીઃ સંદેસરા બ્રધર્સ બેન્ક સ્કેમ અને ધન શોધન કેસની તપાસ સંબંધે EDની એક ટીમે કોંગી નેતા અહમદ પટેલની શુક્રવારે ફરીથી પૂછપરછ કરી હતી. અહમદ પટેલે જણાવ્યું કે, મને 128 પ્રશ્નો પૂછવામાં આવ્યા છે. બધા જ પ્રશ્નો આરોપો પર આધારિત હતા, જેનું તેની પાસે કોઇ પ્રમાણ નથી. મેં તેમના સંતોષ માટે બધા જ પ્રશ્નોના જવાબ આપ્યા છે. મને ખબર નથી કે, તે કોના દબાણમાં કામ કરી રહ્યા છે.

અધિકારીઓએ જણાવ્યું કે, તાજી પૂછપરછ દરમિયાન ધન શોધન રોકથામ કાયદો (પીએમએલએ) હેઠળ પટેલનું નિવેદન દાખલ કરવામાં આવ્યું છે. તેમને વડોદરા સ્થિત સ્ટર્લિંગ બાયોટેક દવા કંપનીના પ્રોમોટર સંદેસરા બ્રધર્સ સાથે તેમના કથિત સંબંધો અને તેમની સાથે તેના પરિવારના સભ્યોને કથિત લેવડ-દેવડ વિશે પૂછપરછ કરવામાં આવી છે.

એજન્સીએ આ મામલે ગત્ત વર્ષે અહમદ પટેલના દિકરા ફૈઝલ પટેલ અને જમાઇ ઇરફાન અહમદ સિદ્દિકીની પૂછપરછ કરી હતી અને તેમના નિવેદન નોંધ્યા હતા. આ બંને સાથે સંદેસરા સમૂહના એક કર્મચારી સુનીલ યાદવનું પણ નિવેદન લેવામાં આવ્યું હતું. યાદવે આ પહેલા એજન્સી સમક્ષ નિવેદન આપ્યું હતું. સૂત્રોના જણાવ્યા અનુસાર, ઇડીના નિવેદનમાં યાદવે કહ્યું હતું કે, તેમણે એક પાર્ટી માટે 10 લાખ રુપિયાનો ખર્ચ ઉઠાવ્યો હતો જેમાં ફૈઝલ પણ સામેલ હતા. તેના પિતાએ એક નાઇટ ક્લબમાં પ્રવેશની વ્યવસ્થા કરાવી હતી અને દવા કંપનીના પ્રોમોટરોમાંથી એક ચેતન સંદેસરાના નિર્દેશ પર ખાન માર્કેટમાં એકવાર તેના ડ્રાઇવરને પાંચ લાખ રુપિયા આપ્યા હતા.

વધુમાં યાદવે જણાવ્યું હતું કે, આ પૈસા ફૈઝલ પટેલને આપવાના હતા. યાદવે એમ પણ કહ્યું કે, સિદ્દીકીએ દિલ્હીના વસંત વિહાર વિસ્તારમાં એક મકાન લીધું હતું, જે ચેતન સંદેસરાનું હતું. ધન શોધનનો આ કેસ 14,500 કરોડ રુપિયાના કથિત બેન્ક સ્કેમ સાથે જોડાયેલો છે, જે સ્ટર્લિંગ બાયોટેક અને તેના પ્રમુખ પ્રોમોટરો નિતિન જયંતીલાલ સંદેસરા, ચેતન સંદેસરા અને દીપ્તિ સંદેસરાએ કર્યો છે. આ બધા ફરાર છે. નિતિન અને ચેતન ભાઇ છે.

એજન્સીએ આરોપ લગાવ્યો છે કે, આ નીરવ મોદી અને મેહુલ ચોક્સી સાથે જોડાયેલા પીએનબી સ્કેમથી પણ મોટો બેન્ક સ્કેમ છે. સંદેસરા બ્રધર્સ અમુક હાઇ પ્રોફાઇલ નેતાઓની સાથે કથિત જોડાયેલા છે અને ભ્રષ્ટાચાર તથા કર ચોરીના આરોપોમાં પણ સીબીઆઇ અને આયકર વિભાગની તપાસનો સામનો કરી રહ્યા છે.

વધુમાં તેમણે જણાવ્યું કે, હું હેરાન છું કે, ચીન કોરોના વાઇરસ અને બેરોજગારી સામે લડવા કરતા સરકાર વિપક્ષ સાથે લડી રહી છે. તેમણે કહ્યું કે, કાયદાએ પોતાનું કામ કરવું જોઇએ અને જો કોઇએ પણ ખોટું કર્યું નથી તો તેને ડરાવવા ન જોઇએ. પટેલે આરોપ લગાવતા કહ્યું કે, જ્યારે પણ સરકારની સામે કોઇ સંકટ અથવા ચૂંટણી આવે છે તો તે તપાસ એજન્સીઓનો ઉપયોગ કરે છે.