'ચંન્દ્રયાન-2 મિશનનો હજુ અંત નથી થયો, પ્રયાસો જીવંત': ISRO ચીફ કે સિવન

નવી દિલ્હી: IIT દિલ્હીના 50માં દીક્ષાંત સમારોહમાં ISRO ચીફ કે સિવન મુખ્ય અતિથિ તરીકે ઉપસ્થિત રહ્યા હતા. આ દરમિયાન કે સિવને કહ્યુ હતું કે, ચંદ્રયાન-2 માટે પ્રયત્ન ચાલુ રહેશે હજુ પણ એ 300 મીટરના અંતરમાં છે.

ISRO ચીફ કે સિવને કહ્યુ કે, આગામી વર્ષ માટે અમે કેટલાક અન્ય મિશન પર કામ કરી રહ્યા છીએ. ચંન્દ્રયાન-3ની તૈયારીઓ પણ કરી રહ્યા છીએ. આ અમારી સફળતા નહિ પરંતુ દેશ માટે એક અનુભવ બનીને ઉભરી આવ્યુ છે. એમણે કહ્યુ કે, આગામી સમયે ચંદ્રમાં પર આ વખત કરતા વધારે જીત મેળવી શકે.

ISRO ચીફે દિક્ષાંત સમારોહમાં કહ્યુ કે, વિદ્યાર્થીઓએ ક્યારેય પણ એ ન વિચારવું જોઈએ કે તેનું ભણતર પુરુ થયા બાદ તે પુરા સક્ષમ થઈ ગયા છે.વધુમા જણાવ્યુ કે, અનુભવ સૌથી મોટો શિક્ષક છે એટલે જીવનભર અનુભવ કરતા રહેવાં જોઈએ.