દિલ્હીમાં આશરે અઢી લાખ લોકો કન્ટેનમેન્ટ ઝોનમાંથી મુક્ત થયા

કેજરીવાલ સરકારે કન્ટેનમેન્ટ ઝોનને ફરીથી ડિઝાઇન કર્યા બાદ લગભગ અઢી લાખ લોકોને કન્ટેનમેન્ટ ઝોનના પ્રતિબંધથી છૂટકારો મળ્યો છે.

નવી દિલ્હી: કોરોના ચેપના ઘટતા દર સાથે, દિલ્હીમાં કન્ટેન્મેન્ટ ઝોનની સંખ્યામાં સતત વધારો થયો છે. આ સંખ્યા 27 જુલાઇએ 716 પર પહોંચી ગઈ હતી. તેનું કારણ કેન્દ્ર સરકાર દ્વારા રચાયેલી સમિતિની ભલામણોનો અમલ કરવાનો હતો. જ્યારે કોરોના ચેપ દિલ્હીમાં તેના ઉચ્ચતમ સ્તરે હતો, ત્યારે વી.કે.પૌલ સમિતિની ભલામણ મુજબ, કન્ટેન્મેન્ટ ઝોનને ફરીથી ડિઝાઇન કરવામાં આવ્યા છે.

દિલ્હીમાં કન્ટેન્મેન્ટ ઝોનને ફરીથી ડિઝાઇન કરાયા

જે બાદ ફરીથી મેપિંગ અને ફરીથી ડિઝાઇનિંગ કર્યા પછી, રાતોરાત 175 નવા કન્ટેન્મેન્ટ ઝોન બનાવવામાં આવ્યા છે. તે સમયે નાના કન્ટેન્મેન્ટ ઝોન બનાવવા પર ધ્યાન કેન્દ્રિત કરવામાં આવ્યું હતું, જેથી કોરોનાના નિયમોનું કડક પાલન કરવામાં આવે. જોકે આ માઇક્રો-લેવલ કન્ટેન્મેન્ટ ઝોનોની ફરિયાદ લોકો દ્વારા કરવામાં આવી હતી. જે બાદ દિલ્હી સરકારે તેના પર કાર્યવાહી કરી હતી.

સરકારે આ કન્ટેન્મેન્ટ ઝોનને ફરીથી ડિઝાઇન કરવાનો નિર્ણય કર્યો હતો. આ અંતર્ગત કન્ટેન્મેન્ટ ઝોનની સંખ્યા 716 થી ઘટીને 496 થઈ ગઇ છે અને દિલ્હી સરકારના આંકડા મુજબ, કુલ 241888 લોકો હવે કન્ટેન્મેન્ટ ઝોનના પ્રતિબંધથી મુક્ત થયા છે. અત્યાર સુધીમાં 716 કન્ટેન્મેન્ટ ઝોનમાં પ્રતિબંધોમાં 348099 લોકો જીવી રહ્યા હતા, પરંતુ હવે 496 કન્ટેન્મેન્ટ ઝોનમાં આ સંખ્યા ઘટીને માત્ર 1,06,211 પર આવી ગઈ છે.

જિલ્લા મુજબના આંકડાઓની વાત કરીએ તો, 27 જુલાઈએ, મધ્ય દિલ્હીમાં 59 કન્ટેન્મેન્ટ ઝોન હતા, જેમાં 53,747 લોકો રહેતા હતા. હવે આ જિલ્લામાં કન્ટેન્મેન્ટ ઝોનની સંખ્યા 39 થઈ ગઈ છે અને તેનાથી પ્રભાવિત લોકોની સંખ્યા ઘટીને 8,013 થઈ ગઈ છે. પૂર્વ દિલ્હીમાં, જુલાઈ 27 ના રોજ કન્ટેન્મેન્ટ ઝોનની સંખ્યા 54 થી ઘટી થઈ ગઈ છે, જ્યારે અસરગ્રસ્ત લોકોની વસ્તી 8772 થી ઘટીને 8179 પર પહોંચી ગઇ છે.

27 જુલાઇએ નવી દિલ્હી જિલ્લામાં 50 કન્ટેન્મેન્ટ ઝોન હતા તેની અસર 6604 લોકો પર પડી હતી, પરંતુ હવે ત્યાં 39 કન્ટેન્મેન્ટ ઝોન થઇ ગયા છે.જેથી 5083 પર તેની અસર થઇ છે. ઉત્તરીય જિલ્લાના 81 કન્ટેસ્ટન ઝોનમાં 27 જુલાઈના રોજ સુધી 25884 લોકો અસરગ્રસ્ત હતા, પરંતુ 1 ઓગસ્ટના રોજ ફરીથી કન્ટેન્મેન્ટ ઝોન ડિઝાઇન કર્યા પછી, આ સંખ્યા અનુક્રમે 59 અને 17,088 પર આવી ગઈ છે.

ઉત્તર પૂર્વ દિલ્હીમાં, જ્યાં એક સમયે 40 કન્ટેન્મેન્ટ ઝોન હતા, હવે આ સંખ્યા ઘટીને 24 પર આવી ગઈ છે, જ્યારે અસરગ્રસ્તોની સંખ્યા 4352 થી ઘટીને 1535 થઈ ગઈ છે. ઉત્તર પશ્ચિમ દિલ્હીમાં પણ આ જ ઘટાડો જોવા મળી રહ્યો છે અને હાલમાં 28 કન્ટેન્મેન્ટ ઝોન છે, જેની સંખ્યા 27 જુલાઈના રોજ 49 હતી. તે જ સમયે, 11,215 લોકો કન્ટેન્મેન્ટની અંદર રહે છે, જ્યારે 27 જુલાઈએ આ સંખ્યા 15,991 હતી.

શાહદરા જિલ્લામાં, વધુમાં વધુ લોકો કન્ટેન્મેન્ટ ઝોનથી દૂર રહ્યા છે. અહીં આ સંખ્યા 13,566 થી ઘટીને માત્ર 1327 પર આવી ગઈ છે. કારણ કે આ જિલ્લામાં કન્ટેન્મેન્ટ ઝોનની સંખ્યા 43 થી ઘટાડીને ફક્ત 7 કરવામાં આવી છે. આ જ તફાવત દક્ષિણ જિલ્લામાં જોવા મળ્યો છે, જ્યાં કન્ટેન્મેન્ટ ઝોનની સંખ્યા 77 થી ઘટીને 50 થઈ છે અને અસરગ્રસ્તોની સંખ્યા 79,130 ​​થી ઘટીને 27,940 થઈ ગઈ છે.

દક્ષિણ પૂર્વ દિલ્હીની વાત કરીએ તો, 27 જુલાઇએ 31 કન્ટેન્મેન્ટ ઝોન હતા, જેથી 73,612 લોકો પ્રભાવિત થયા હતા. અહીં અસરગ્રસ્તોની સંખ્યા ઘટીને 7517 થઈ ગઈ છે. દક્ષિણ પશ્ચિમ દિલ્હીમાં કન્ટેન્મેન્ટ ઝોનની સંખ્યા 127 થી ઘટીને 109 થઈ છે અને અસરગ્રસ્ત વસ્તી 55,918 થી ઘટીને 12,533 પર આવી ગઈ છે.