હૈદરાબાદમાં બનાવેલી નવી કોવિડ-19 હોસ્પિટલ દર્દીઓની સારવાર માટે તૈયાર

રાજ્ય સરકાર દ્વારા કરોનાના દર્દીની સારવાર માટે તેલંગાણા ઇન્સ્ટિટ્યૂટ ઓફ મેડિકલ સાયન્સને કોવિડ-19 હોસ્પિટલ બનાવવામાં આવી છે. આ હોસ્પિટલમાં 1,224 બેડની વ્યવસ્થા છે. જેમાં 1,000 બેડમાં ઓક્સીઝનની સુવિધા પણ આપવામાં આવી છે.

હૈદરાબાદઃ રાજ્ય સરકાર દ્વારા કોવિડ-19 હોસ્પિટલમાં પરિવર્તિત કરવામાં આવેલ તેલંગાણા ઇન્સ્ટિટ્યૂટ ઓફ મેડિકલ સાયન્સ દર્દીની સારવાર માટે તૈયાર છે. સોમવારે રાજ્યના આરોગ્ય પ્રધાન ઈ રાજેન્દ્રએ આ અંગે માહિતી આપી છે.

તેમણે હોસ્પિટલમાં સુવિધાઓ અંગે એક વીડિયો પણ પોસ્ટ કર્યો છે. પ્રધાને ટ્વીટ કર્યું કે, તેલંગાણા ઇન્સ્ટિટ્યૂટ ઓફ મેડિકલ સાયન્સ કોવિડ-19 દર્દીઓની સારવાર માટે તૈયાર છે.

પ્રધાને જણાવ્યું કે, આ હોસ્પિટમાં 1,224 બેડની ક્ષમતા છે. જેમાંથી 1000 બેડમાં ઓક્સીઝનની સુવિધા આપવામાં આવી છે.

ઉલ્લેખનીય છે કે, તેમણે તાજેતરમાં કહ્યું હતું કે સરકારે હોસ્પિટલ માટે ભરતીની પ્રક્રિયાા ચાલુ કરી છે.