વડાપ્રધાનનું ધ્યાન તેમની છબી બનાવવા પર કેન્દ્રિત: રાહુલ ગાંધી

રાહુલ ગાંધીએ ચીન સાથે ચાલી રહેલા વિવાદને લઈને પોતાની વીડિયો સિરીઝનો બીજો એક વીડિયો શેર કર્યો છે. રાહુલે ચીનની વ્યૂહરચના વિશે પણ વાત કરી છે. જેમાં રાહુલે પીએમ પર પ્રહાર કર્યા છે. તેમણે કહ્યું કે વડાપ્રધાન તેમની છબી બનાવવામાં વ્યસ્ત છે તેમજ અન્ય સંસ્થાઓ પણ આ કામમાં વ્યસ્ત છે.

નવી દિલ્હી: લદ્દાખમાં એક્ટ્યુઅલ કંટ્રોલ (એલએસી) પર તણાવની પૃષ્ઠભૂમિમાં કોંગ્રેસના પૂર્વ અધ્યક્ષ રાહુલ ગાંધીએ ગુરુવારે આરોપ લગાવ્યો હતો કે વડાપ્રધાન નરેન્દ્ર મોદીનું સંપૂર્ણ ધ્યાન તેમની છબી બનાવવા પર છે અને કોઈ દૃષ્ટિકોણ ન હોવાના કારણે, ચીને ઘુસણખોરી કરી હતી. તેમણે એમ પણ કહ્યું હતું કે વૈશ્વિક દૃષ્ટિકોણ અને વિચારથી જ દેશનું રક્ષણ થઈ શકે છે.

તેમણે કહ્યું, 'સવાલ એ છે કે ભારતે ચીન સાથે કેવી રીતે ડીલ કરવી જોઇએ. જો તમે તેમની સાથે લડવા માટે મજબૂત સ્થિતિમાં છો, તો જ તમે કાર્ય કરી શકશો, તમે તેમની પાસેથી જે ઇચ્છો તે મેળવી શકશો. આ ખરેખર કરી શકાય છે.

તેમણે કહ્યું, 'ભારતે વૈશ્વિક દૃષ્ટિકોણ અપનાવવો જ જોઇએ. ભારતે હવે 'વિચાર' બનવું પડશે અને તે પણ 'વૈશ્વિક વિચાર'. ખરેખર, મોટા પાયે વિચાર કરીને જ ભારતનું રક્ષણ થઈ શકે છે.

રાહુલ ગાંધીએ આ વાત પર ભાર મૂકતાં કહ્યું, 'સ્પષ્ટ છે કે સીમા વિવાદ પણ છે અને તેનો ઉકેલ પણ છે, પરંતુ એપણે તેનો ઉપાય અને રસ્તો બદલવો પડશે, આપણે વિચારસરણી બદલવી પડશે.