ચાર વર્ષની બાળકી સાથે દુષ્કર્મ, આરોપીની 10 વર્ષની સજા યથાવત

નવી દિલ્હીઃ હાઈકૉર્ટે 4 વર્ષની બાળકી સાથે દુષ્કર્મ કરવાની ઘટનામાં એક વ્યક્તિને દસ વર્ષ જેલની સજા સંભળાવી છે. જસ્ટિસ સી હરિશંકરની બેંચે ટ્રાયલ કૉર્ટના નિર્ણય પર મહોર લગાવતા કહ્યું કે પીડિતા આરોપીને પોતાનો ભાઈ સમજતી હતી. આરોપીએ તેની સાથે વિશ્વાસઘાત કરી ગંદુ કામ કર્યુ છે. પીડિતાની માતાએ 28 ડિસેમ્બર 2013માં ફરિયાદ દાખલ કરાવી હતી. પીડિતાની માનસિક સ્થિતિ અને તેની સારવારના કારણે ફરિયાદ મોડી દાખલ થઈ હતી. હાઈકૉર્ટે કહ્યું આવા આરોપીઓ માટે દયાભાવ ન હોવો જોઈએ.

શું છે ઘટના?

ઘટના 2 નવેમ્બર 2013 ની છે. પીડિતાની માતા આરોપીના ઘરે ભાઈબીજ ઉજવવા માટે પોતાના સંતાનોને લઈ મુનિરકા ગઈ હતી. ભાઈબીજ મનાવ્યા પછી આરોપીએ પીડિતાની માંને કહ્યું કે તેની માતાએ તેને બોલાવી છે. ત્યાંથી પીડિતાની માં પોતાના પુત્રને લઈને આરોપીના ઘર તરફ ગયા અને પીડિતા આરોપી સાથે ગઈ હતી.

આરોપી પીડિતાને લઈ ઘરે મોડો પહોંચ્યો, જ્યાં પીડિતાની ખરાબ હાલત જોઈ તેની માંએ કારણ પૂછ્યુ તો તેણીએ પોતાની આપવીતી જણાવી હતી. પોલીસના જણાવ્યા અનુસાર આરોપી પીડિતાને લઈને એક સુમસામ જગ્યાએ ગયો અને તેની સાથે રેપ કર્યો. આરોપીએ પીડિતાને જાનથી મારી નાખવાની ધમકી પણ આપી હતી.

પીડિતાની માંએ 28 ડિસેમ્બર 2013ના રોજ ફરિયાદ દાખલ કરાવી હતી. બાદમાં ટ્રાયલ કૉર્ટે આરોપીને કસૂરવાર ઠેરવી દસ વર્ષની સખત કેદની સજા સંભળાવી હતી. બાદમાં હાઈકૉર્ટે પણ આ સજા યથાવત્ રાખી છે.