આંધ્ર પ્રદેશ સરકારે બદલ્યો નિર્યણ, રમેશ કુમાર ફરી બન્યા રાજ્ય ચૂંટણી કમિશનર

આંધ્ર પ્રદેશ સરકાર દ્વારા રમેશ કુમારને ફરી એકવાર ચૂંટણી કમિશનર બનાવવામાં આવ્યા છે. આ વર્ષની શરૂઆતમાં વટહુકમ બહાર પાડી આંધ્ર પ્રદેશના ચૂંટણી કમિશનર IAS રમેશ કુમારના કાર્યકાળમાં ઘટાડો કર્યો હતો. આ વટહુકમને રમેશકુમારે હાઈકોર્ટમાં પડકાર્યો હતો.

અમરાવતીઃ આંધ્ર પ્રદેશ સરકારે રમેશ કુમારને ફરી એકવાર રાજ્ય ચૂંટણી કમિશનર બનાવ્યા છે. રાજ્ય સરકારે એન રમેશ કુમારનો કાર્યકાળમાં ઘટાડતો વટહુકમ બહાર પાડ્યો હતો. આ વટહુકમને સુપ્રિમ કોર્ટ રદ્દ કરી રમેશ કુમારને ચૂંટણી કમિશનર તરીકે યથાવત રાખ્યા હતા.

આ વર્ષની શરૂઆતમાં આંધ્રપ્રદેશ સરકારે એક વટહુકમ દ્વારા IAS રમેશ કુમારની 5 વર્ષની મુદત ઘટાડી હતી. આ વટહુકમને રમેશ કુમારે હાઇકોર્ટ સમક્ષ પડકાર્યો હતો.

ઉલ્લેખનીય છે કે, આંધ્ર પ્રદેશ હાઈકોર્ટે રાજ્ય સરકારના આદેશ પર રોક લગાવી હતી. આ સાથે જ રમેશ કુમારને રાજ્ય ચૂંટણી કમિશનર પદે ફરીથી કાર્યભાર સંભાળવા જણાવ્યું હતું. આ ચૂકાદા બાદ રાજ્ય સરકાર હાઇકોર્ટના આ આદેશને સુપ્રીમ કોર્ટમાં પડકાર્યો હતો, પરંતુ ત્યાં પણ રાજ્ય સરકારને કોઈ રાહત મળી ન હતી.