સોનાના ભાવમાં આગ લાગી હોય એવું લાગી રહ્યું છે. સોનાની ચમક હવે લોકોને આકર્ષી રહી નથી કારણ કે સોનાના ભાવમાં છેલ્લા છ મહિનાથી સતત વધારો થઈ રહ્યો છે. સોનુ હાલ ઇતિહાસની સર્વોચ્ચ સપાટીએ પહોંચી ગયું છે. આજે જો કોઈને સોનું ખરીદવું હોય તો તેમને 40000 રૂપિયા પ્રતિ 10 ગ્રામ સોના માટે આપવા પડશે. આવનાર દિવસોમાં તહેવારોમાં શુભ મુહૂર્તમાં સોનું ખરીદવાનું હવે મુશ્કેલ લાગી રહ્યું છે, કારણકે ગોલ્ડ જ્વેલરીના ભાવ ઓછા થાય તેવું હાલમાં લાગતું નથી.
ગોલ્ડ જ્વેલરીના ભાવમાં તોતિંગ વધારો થયો છે, જે લોકો જ્વેલરી ખરીદવા જઈ રહ્યા છે તેઓ ભાવ સાંભળીને નિરાશ થઇ જાય છે. આ વખતે સોનાના ભાવ વધવા પાછળ બે મુખ્ય કારણ જાણવા મળી રહ્યા છે. અમેરિકા અને ચાઇના વચ્ચે ટ્રેડ વોર અને રિઝર્વ બેન્ક દ્વારા વ્યાજ દરમાં ઘટાડો, જેના કારણે છેલ્લા છ મહિનાથી સતત સોનાના ભાવમાં વધારો થઇ રહ્યો છે.
સોનાની ચમક વધી, સ્થાનિક બજારમાં 40 હજારે પહોંચ્યું સોનુ
સુરત: સોનાનો ભાવ હાલ પોતાની સર્વોચ્ચ સપાટીએ પહોંચી ગયો છે. આજે ગુજરાત સહિત દેશમાં સોનાનો ભાવ 40 હજારને પાર કરી ગયો છે. સોના ઉદ્યોગ સાથે સંકળાયેલા નિષ્ણાંતોનું કહેવું છે કે આ ભાવ આગામી દિવાળી સુધી રહેશે, જેથી મધ્યમ વર્ગના પરિવાર માટે સોનું ખરીદવું એક સ્વપ્ન બની ગયું હોય એવું લાગી રહ્યું છે.
kmj
સ્થાનિક બજારમાં સોનુ 40 હજારે પહોંચ્યું
સોનાના ભાવમાં સતત વધારાને કારણે બજારમાં 25થી 30 ટકા જેટલી ખરીદીમાં ઘટાડો આજે જોવા મળી રહ્યો છે. આવનાર દિવસોમાં દિવાળી છે અને લોકો માટે શગુનની ખરીદી કરતા હોય છે, પરંતુ દિવાળી સુધી આ જ સ્થિતિ રહેશે એવું નિષ્ણાતોનું માનવું છે.